Posted: 01/26/2013 03:26 PM IST

తెలంగాణ  సెంటిమెంట్ లో అర్థం లేదని  రాజమండ్రిలో  మాట్లాడిన ఎంపి  ఉండవల్లి  అరుణ్  కుమార్ పై  తెలంగాణ నేతలు మండిపడుతున్నారు.  రాజమండ్రిలో  సభలో  కేసిఆర్ పై ఉండవల్లి మాటల యుద్దం కూరిపించారు. తెలంగాణ నేతల వాదనలో  పసలేదని,  నెహ్రూ వ్యాఖ్యలను  వక్రీకరిస్తున్నారని, తెలంగాణ బిడ్దల  ఆత్మహ్యతలకు  తెలంగాణ నేతలే కారణమని,  తెలంగాణ కోసం  ఆత్మహత్య చేసుకున్న బిడ్డలందరు మాబిడ్డలేని  ఉండవల్లి రాజమండ్రి సభలో వేడి పుట్టించారు.  కేసిఆర్ ను టార్గెట్ చేసుకొని  ఉండవల్లి చేసిన వ్యాఖ్యలపై తెలంగాణ నేతలు , తెలంగాణ విద్యార్థులు  మండిపడుతున్నారు. అయితే   కొంతమంది రాజకీయ నాయకులు మాత్రం   ఉండవల్లి  మాటల వెనుక  ఉన్న అర్థాల గురించి తెలుసుకోవటానికి  ప్రయత్నిస్తున్నారు.  ఎప్పుడు లేనిది  ఉండవల్లి ఇలా రెచ్చిపోవటం  వెనుక ఎవరో ఉన్నారని  తెలంగాణ నాయకులు అనుమానపడుతున్నారు.  తెలంగాణ  నాయకుల అనుమానించినట్లే  ఉండవల్లి వ్యాఖ్యల వెనుక  ఢిల్లీ పెద్దల హస్తం  దాగి ఉందని  తెలంగాణ నాయకులు  అనుకుంటున్నారు. 

ఢిల్లీ పెద్దల చెప్పిన విధంగా   రాజమండ్రి సభలో  తెలంగాణ నాయకులను, టీఆర్ఎస్ అధ్యక్షుడిపై విమర్శలు చేయటం జరిగిందని   టీఆర్ఎస్ నాయకులు అంటున్నారు.  అంతేకాకుండా  జైఆంధ్ర సభకు  పీసీసీ అధ్యక్షుడు  బొత్స సత్యనారాయణ  పాల్గొనటం పై అనేక అనుమానాలు వస్తున్నాయని  తెలంగాణ వాదులు అంటున్నారు.  తెలంగాణ ను రాకుండా చేయటానికే  ఉండవల్లి ఉసరవెల్లి డ్రామాలు ఆడుతున్నారని  టీ నాయకులు అంటున్నారు.  కాంగ్రెస్ అధిస్టానం కనుసైగలతోనే  ఉండవల్లి రాజమండ్రి  సభలో   ప్రత్యేక తెలంగాణ విమర్శలు చేసినట్లు తెలంగాణ కాంగ్రెస్ నాయకులు గుసగుసలాడుకుంటున్నారు.