Posted: 01/07/2013 02:35 PM IST

      విలక్షణ నటుడు కమల్ హాసన్ ఎంతో ప్రతిష్టాత్మకంగా నిర్మించిన  ‘విశ్వరూపం’ సినిమా కమల్ కు కొత్త కొత్త చిక్కులు తెచ్చిపెడుతుంది.  ఇంతకుముందెన్నడూ లేనివిధంగా సినిమాను నేరుగా డీటీహెచ్‌లో చూపించే వెసులుబాటు కల్పిస్తోన్న కమల్ కు మొన్నటివరకూ థియేటర్ల యజమానులు ఏకుమేకై కూర్చున్నారు. ఇప్పుడు డీటీహెచ్ ప్రసారాలు చేస్తే చంపేస్తామంటూ కొందరు తనకు బెదిరింపు ఫోన్లు చేస్తున్నారని నటుడు కమల్ హాసన్ వెల్లడించారు. ఈ మేరకు ఆయన చెన్నైలోని అడిషనల్ డీజీపీ కార్యాలయంలో ఏడీజీపీ రాజేంద్రన్‌ను కలిసి ఫిర్యాదు చేశారు.
       అంతేకాదు,  ఆ సినిమా పైరసీ సీడీలు తయారుచేస్తామని, సినిమా ప్రసార సమయంలో విద్యుత్ ప్రసారాలు లేకుండా చేస్తామని తనను బెదిరిస్తున్నారని ఆయన పేర్కొన్నారు. సినిమా విడుదలకు ముందు రోజే సినిమాను డీటీహెచ్ ద్వారా ప్రసారం చేయాలని కమల్ నిర్ణయించిన సంగతి తెలిసిందే. ఈ మూవీ తెలుగు వెర్షన్ డిస్ట్రిబ్యూటింగ్ దాసరి నారాయణరావు సంస్థ అయిన సిరి మీడియా ఆంధ్రప్రదేశ్ లో పంపిణీ చేస్తుంది. సంక్రాంతికి ఈ సినిమా తెలుగు ప్రేక్షకులను అలరించనుంది.

...avnk