Posted: 12/27/2012 05:59 PM IST

ఒకవైపు 'మాస్ మహారాజ రవి తేజ 'సర్ ఒచ్చారు', మరోవైపు ఇంతకు మునుపే విడుదల అయ్యి విజయం సాధిస్తున్న 'ఎటో వెళ్ళిపోయింది మనసు', ఇంకోవైపు రేపు విడుదల కాబోతున్న అల్లరి నరేష్, 'యముడికి మొగుడు', ఇవి కాకుండా, హిందీ చిత్రసీమ లో సూపర్ హిట్ గా నిలిచిన, 'దబంగ్' సినిమా కొనసాగింపు, 'దబంగ్ - 2' చిత్రం, దీనికంటే కొంత సమయం ముందే విడుదల అయ్యి విజయపధం లో దూసుకుపోతున్న 'తలాష్'... ఇన్ని చిత్రాల మధ్య, ఒక చిన్న చిత్రం, యెంత కదాబలం ఉన్నా కుడా, విడుదల చెయ్యడం సాహసంతో కూడుకున్న పనే.

అయితే, విలక్షణ నటుడు దర్శకుడు జాతీయ  గ్రహీత తనికెళ్ళ భరణి గారు మాత్రం ఈ సాహసాన్ని, సునాయాసంగా తీసుకున్నారు. ఇద్దరు వృద్ధ దంపతుల మధ్య నిజమైన అనుబంధాన్ని తెలిపే దిశగా, ఈ అంశం ఏ కధాంశం గా తీసుకుని, 'మిధునం' అనే చిత్రాన్ని, ఒక నవల ఆధారంగా నిర్మించి, విడుదల చేసి, ఈ రోజు, ఈ చిత్రాన్ని మంచి చిత్రంగా,  అన్ని వర్గాల ప్రేక్షకులు ఆదరించే విధంగా, విజయం సాధించారు...వృద్ధాప్యం అనేది ఒక శాపం కాదు, పిల్లలు వారి వారి ఉద్యోగ - భవిష్యత్తు రిత్యా దూరం అవ్వడం పాపం కాదు... పెళ్లిఅయిన అయిన తొలి రోజుల్లో, దంపతులిరువురూ ఎంటువంటి  కోరుకుంటారో, బాధ్యతలన్నీ తీరిపోయిన తరువాత కుడా, ఇలా ఆనందంగా జీవనం సాగించే దిశగా ప్రతీ దంపతులు ఆలోచించాలి అని, 'మిధునం' లో ఏంటో అద్భుతంగా తెరకెక్కించారు,

భరణి గారు... సందర్భోచితంగా వచ్చే పాటలు, మాటలు, సన్నివేశాలు, ఆసక్తికరంగా, మధురమైన కావ్యంగా సాగిపోయే చిత్ర కథ, ఈ సినిమాకి మంచి విజయాన్ని తెచ్చిపెట్టాయి. ఈ చిత్రంలో వృద్ధ దంపతులుగా యస్. పీ. బాల సుబ్రహ్మణ్యం - లక్ష్మి గార్ల సహజ నటన, అందరిని అమితంగా ఆకట్టుకుంది.మంచి సినిమా, ఎటువంటి గట్టి పోటీ మధ్య అయిన చక్కని విజయాన్ని నమోదు చేసుకుంటుంది అని, మరొక్కసారి రుజువు చేసారు 'మిధునం' చిత్ర దర్శకుడు, తనికెళ్ళ భరణి గారు.