Posted: 11/27/2012 04:30 PM IST

కవిత అంటే తెలుగుదేశం పార్టీ కార్యకర్త, నటి కవిత కాదు, ఈమె తెలంగాణ కవిత? తెలంగాణ కోసం తెలంగాణ  జాగ్రుతి అధ్యక్షురాలైన కల్వకుంట్ల కవిత. కల్వకుంట్ల చంద్రశేఖర్ రావు కుమార్తె.  తెలంగాణ కోసం తనదైన శైలిలో చురుగ్గా పాల్గొని సొంత ఇమేజ్ ను పెంచుకుంది కవిత.  ఇప్పుడు కవిత అంటే తెలియాని వారు ఎవరు ఉండరు. ఇటు టాలీవుడ్ నుండి అటు పరిశ్రమల వరకు కవిత పేరు పాకిపోయింది. కవిత అంటే కేసిఆర్ కూతురు కాదు, తెలంగాణ కోసం పోరాటం చేసే వీర వనిత అని  తెలంగాణ ప్రజలు అంటున్నారు. అయితే కవిత  పై కొన్ని పుకార్లు వినిపిస్తున్నాయి. 2014 ఎన్నికల్లో  పోటి చేయటానికి సిద్దమైనట్లు తెలుస్తోంది. అదీ కూడా టీఆర్ఎస్ పార్టీ నుండి పోటీ చేయనున్నట్లు పార్టీ వర్గాలు  అంటున్నాయి. అయితే ఒకవేళ కవితకు పార్టీ నుండి టిక్కెట్  దొరకని  పక్షంలో, ఆమె తెలంగాణ జాగ్రుతి తరపున ఎన్నికల బరిలోకి దిగేందుకు  సిద్దంగా ఉన్నట్లు తెలుస్తోంది. అందుకోసం  ముందునుంచే బీజేపి పార్టీతో సన్నిహిత సంబంధాలు  ఆమె నడుతున్నరని కాంగ్రెస్ నాయకులు అంటున్నారు. 

అయితే  విషయాన్ని కొంత మంది కవిత దగ్గర ప్రస్తావించగా  ఆమె ఇలాంటి పుకార్లు ఎలా పుడతాయో అని కొంచెం సీరియస్ అయినట్లు తెలంగాణ నాయకులు అంటున్నారు.  అయితే  అసలు ఎన్నికల్లో నిలబడాలనే కోరిక లేదని కవిత అంటుంది. టీడీపీ నాయకులు మాత్రం కవితకు ఆ కోరిక లేకుండానే పుకార్లు వస్తాయా? అని వారు అడుగుతున్నారట. ఒక వేళ నాకు టీఆర్ఎస్ టిక్కెట్ ఇవ్వకపోయిన, నేనం బాధపడను. కానీ తెలంగాణ ఉద్యమం కోసమే ఎన్నికల్లో పోటీ చేస్తానని  కవిత చెప్పటం అందర్నీ ఆశ్చర్యపరిచిందని టీడీపీ నాయకులు అంటున్నారు. అంటే కర్ర విరగకుండా పాము చావకుండా ఉండటం అంటే ఇదేనమోనని టీడీపీ  నాయకులు అంటున్నారు. ఎంతైన కేసిఆర్ కూతురు కాబట్టి ఆ మాత్రం చెప్పకుండా ఉంటుందా అని వారు ప్రశ్నించుకున్నారట. తెలంగాణ ప్రజల కోసమే నేను ఎన్నికల్లో పోటీ చేస్తున్నట్లు చెప్పారు. కవితకు రాజకీయాలు ముఖ్యం కాదట,  తెలంగాణ రాష్ట్రమే నాకు ముఖ్యం అని కవిత మనసులో మాట బయట పెట్టారని పార్టీ నాయకులు అంటున్నారు. రాబోయే 2014 ఎన్నికల్లో కవిత పోటీ చేయటం ఖాయమాని తెలంగాణ నాయకులు అంటున్నారు.