Posted: 09/27/2012 05:47 PM IST

తెలంగాణ వాదులు చంద్రబాబు బావ మరిది  అయిన బాలయ్య పై మండిపడుతున్నారు.  ఆయనకు దమ్ముంటే  తెర వెనక తెలంగాణ కాదు. తెర ముందుకు వచ్చి తెలంగాణ పై ప్రకటన చెయ్యలని  తెలంగాణ తెలుగు తమ్ముళ్లు కోరుకుంటున్నారట.  అందుకే  తెలుగుదేశం పార్టీని తెలంగాణ విషయంలో ప్రజలు నమ్మడం లేదని తెలంగాణ జేఏసీ నాయకులు అంటున్నారు. తెలంగాణ విషయంలో చంద్రబాబు నాయుడు లేఖ ఇస్తానని దాదాపు రెండేళ్ల నుంచి కాలం నెట్టుకు వస్తున్నాడని మండిపడ్డారు. ఇక తాజాగా తెరపైకి నటుడు బాలకృష్ణను తీసుకొచ్చారనీ, ఆయన తెలంగాణ ఇచ్చేయాలని చెప్పారని టితెదేపా చెపుతోందనీ, అదేదో ఆయన బహిరంగంగా చెప్పేస్తే తెలంగాణ ప్రజలు నమ్ముతారని వ్యాఖ్యానించారు. అంతేతప్ప తెరవెనుక కూచుని తెలంగాణకు తాము కట్టుబడి ఉన్నామని చెపితే ఎవరూ నమ్మరని అన్నారు. ఏదేమైనా సెప్టెంబరు 30 లోపు తెలంగాణపై చంద్రబాబు నాయుడు బహిరంగంగా విధానపరమయిన ప్రకటన చేయడంతోపాటు తెలంగాణ రాష్ట్ర ఏర్పాటును కోరుతూ చంద్రబాబు నాయుడు కేంద్రానికి లేఖ రాసినప్పుడే తెదేపాకు చిత్తశుద్ధి ఉన్నట్లు విశ్వసిస్తామని చెప్పారు.