Posted: 09/15/2012 06:21 PM IST

కొద్ది రోజుల్లో రాష్ట్రం మొత్తం పసుపు రంగుతో నిండిపోతుంది.  ఇక ఎక్కడ చూసిన పసుపు కలరే మనకు కనిపిస్తుంది. మీడియారు కవర్ చేస్తారో్  తెలియాదు గానీ .. ఇప్పటికే..  పసుపు కలర్ తో పార్టీ ఆఫీస్ నిండిపోయిందని  ఆ పార్టీ నాయకులు చెబుతున్నారు. చంద్రబాబునాయుడు పాదయాత్ర... నారా లోకేష్ ప్రజాయాత్ర రెండూ ఇక త్వరలోనే జరుగబోతున్నాయా..? నారా లోకేష్ ఇక జనం మధ్య కలియతిరుగబోతున్నారా...? ప్రజలకు దగ్గరవడం ద్వారా తన మార్కు రాజకీయాలేమిటో చూపించబోతున్నారా..? అంటే ఔననే సమాధానం వస్తోంది. తాజాగా నారా లోకేష్‌కు భద్రత పెంచాలని తెదేపా రాష్ట్ర ప్రభుత్వాన్ని కోరినట్లు సమాచారం. లోకేష్‌కు 2+2 భద్రత కల్పించాలని పార్టీ తరపున ప్రభుత్వాన్ని కోరినట్లు తెలుస్తోంది. తెదేపా నారా లోకేష్‌కు భద్రత కల్పించాలని కోరడాన్ని చూస్తుంటే ఇక లోకేష్ మరింత క్రియాశీలకంగా వ్యవహరించబోతున్నట్లు అర్థం చేసుకోవచ్చు. 2004లో తెదేపా ఓటమి పాలయిన తర్వాత కూడా 2007 వరకూ లోకేష్‌కు సెక్యూరిటీని కొనసాగించారు. ఐతే ఆ తర్వాత తనకు సెక్యూరిటీ అవసరం లేదని లోకేష్ తిప్పి పంపారు. ఇప్పుడు మళ్లీ అడగడంతో లోకేష్ ఇక తెర వెనుక రాజకీయాల్లోకి పరిమితం కాకుండా జనంలోకి రావడానికి నిర్ణయించుకున్నారని చెపుతున్నారు.