Posted: 09/05/2012 04:48 PM IST

అవినీతికి వారు కవల పిల్లలు. అక్రమాలకు ముద్దు బిడ్డలు. వారు అవినీతి సామ్రాజ్యానికి అన్నదమ్ములు. ఇప్పుడు జగమెరిగిన జైల్లో ఖైదీలు.  ఒకరు గుడిని మింగితే.. మరొకరు .. గుడితో పాటు గుడిలో లింగాన్ని కూడా మింగేశాడు. అలాంటి వ్యక్తులు ఈ రోజు ఒక గొప్ప పండుగ రోజుగా చేసుకుంటున్నారు.  అంటే ఒకరు ట్రిపుల్ సెంచరీ దాటితే.. మరొకరు .. సెంచరీ పూర్తి చేసిన సందర్భంగా  వారి అభిమానులు  సెలబ్రేషన్  చేసుకుంటున్నట్లు మీడియా వర్గాలు , జైలు వర్గాలు అంటున్నాయి. అక్రమానికి అవినీతి రాజు .. కనకపు సింహాసనం .. ఎటు చూసినా  మందీ మార్బలం, ఎక్కడికైనా వెళ్లాలంటే హెలికాప్టర్..  అంతటి విలాసవంతమైన జీవితం  గడిపే గాలి జనార్థన రెడ్డి కటకటాల  వెనక్కి వెళ్లి ఒక సంవత్సరం అయ్యిందట.  అందుకోసం ఈ రోజు జైలు వద్ద పెద్ద సందడిగా ఉందని  మీడియా వర్గాలు అంటున్నాయి.  డబ్బుంటే ఏదైనా  చేయెచ్చన్న  అహంకారం గాలికి ఎక్కువ. అక్రమ మార్గాల్లో  బెయిలుకు  యత్నించిన గాలి.. రూ.20 కోట్ల బేరంలో దానిని పొందినట్లు తెలుస్తోంది.  ఈ కుంభకోణంపై ఏసీబీ దర్యాప్తులో తీగ లాగితే డొంక కదిలింది.  ఈ వ్యవహారంలో  భాగస్వాములైన జడ్జీలు  లక్ష్మీనరసింహరావు,  ప్రభాకర్ రావు  వలలో చిక్కిన విషయం తెలిసిందే.                   

                                                                           

అక్రమాస్తుల కేసులో అరెస్టయిన జగన్ మోహన్ రెడ్డి జైలు జీవితానికి ఈరోజుతో 100 రోజులు పూర్తయిందట. గత మే 27న జగన్‌ను సీబీఐ అరెస్టు చేసింది. వైఎస్సార్ కాంగ్రెస్ పార్టీ మాత్రం జగన్ అరెస్టు రాజకీయ అరెస్టుగానే అభివర్ణిస్తోంది.జనానికి జగన్ మోహన్ రెడ్డిని దూరం చేయాలని కుట్రలో భాగంగానే ప్రభుత్వం జగన్ మోహన్ రెడ్డిని అరెస్టు చేయించిందని ఆరోపిస్తోంది. ఐతే జగన్ జైల్లో ఉన్నప్పటికీ పాలక, ప్రధాన ప్రతిపక్ష పార్టీలకు చమట్లు పట్టిస్తూనే ఉన్నారని ఆ పార్టీ అంటోందని మీడియా వర్గాలు అంటున్నాయి. తమ నేత నిర్దోషిగా మచ్చలేని చంద్రుడిలా జైలు నుంచి బయటకు వస్తారనీ, 2014 ఎన్నికల్లో తాము అత్యధిక సీట్లను కైవసం చేసుకుని జగన్ మోహన్ రెడ్డిని ముఖ్యమంత్రిగా చూస్తామని ధీమా వ్యక్తం ఆ పార్టీ నాయకులు చెబుతున్నారు. మరి 2014 లోపు సీబీఐ జగన్ కేసును ముగిస్తుందా... లేదంటే ఇంకా విచారణ చేస్తూనే ఉంటుందా..? చూడాలి మరి.  అయిన అవినీతి పరులకు భలే రోజులు కలిసి వస్తాయని ప్రజలు అనుకుంటున్నారు. గాలి జైల్లో ఉండి 365 రోజులు అయితే.. జగన్ జైల్లో ఉండి 100 రోజులు. ఇదీ కూడా ఒక రికార్డు కిందకే వస్తుందని  వారి అభిమానులు  చెబుతున్నారట.   ఇక ముందు ముందు గిన్నీస్ బుక్ లో పేర్లు చేర్చామని వారి అభిమానులు ధర్నాలు  చేస్తారేమో? చేసిన ఆశ్చర్యం లేదని మీడియా వర్గాలు అంటున్నాయి .