Posted: 09/03/2012 07:37 PM IST

ఇన్ని సంవత్సరాల తెలుగు సినిమా ప్రస్తానం లో, వివిధ భావాలు పలికించగల నటులు ఎంతో మంది... కొందరు కుటుంబ కథా చిత్రాలు కోసమే పుట్టినట్టుగా ఓదిగిపోయి నటిస్తే, మరి కొందరు భక్తీ రస చిత్రాలలో కథానాయకులుగా మెరిసారు, ఇంకొందరు సామాజికి ప్రయోజనం ఉన్న కథలను ఎంచుకునే వారు... అయితే, ప్రత్యేకించి అరవయ్యో శతకం లో రొమాంటిక్ హీరోగా మెరిసిన, అమ్మాయిల కళల రాకుమారుడిగా మెప్పించిన, కథానాయకుడు, హరినాథ్...

ఈ నటుడి జయంతి, సెప్టెంబర్ రెండు... ఈ సందర్భంగా, ఇవాల్టి లెజెండ్స్ లో హరినాథ్ గారి సిని ప్రస్తానం గురించిన కొన్ని అనుభవాలు, మీ కోసం...

ధనవంతుల కుటుంబం లో పుట్టిన హరనాథ్ గారికి, చిన్నపాతినుంది, చదువుతో పాటు, నాటకాల పై కూడా ఆసక్తి... డిగ్రీ పూర్తీ అయిన తరువాత, మద్రాస్ చేరుకున్న హరినాథ్ గారు, ఒక రోజూ, బస్సు స్టాండ్ లో నించుని తన స్నేహితుడితో మాట్లాడుతున్నప్పుడు, ఆయన రూపం ఒకానొక సిని దర్శక - నిర్మాతని ఆకర్షించింది... హరినాథ్ గారికి సినిమాల్లో హీరోగా అవకాశం లభించింది... అయితే, మొదటి సినిమా అనుకున్న విజయం సాధించలేకపోయింది... కాని హరినాథ్ గారి రూపం, సహజ నటన, ఆరు అడుగుల ఆజానుబాహుడైన ఈ అందగాడి రూపం తెలుగు సిని పరిశ్రమలో హేమా హేమీలు అందరిని ఆకర్షించింది... విశ్వ విఖ్యాత నట సార్వ భౌమ, నందమూరి తారక రామ రావు గారిని కూడా... అందుకే తాను దర్శకత్వం వహించిన 'సీత రామ కల్యాణం' లో రాముదిగాను, తనకు ముందుగా నటించే అవకాశం వచ్చిన ఆ అవకాశాన్ని కాదు అనుకుని, తాను చెయ్యవలసిన, కృష్ణుడి పాత్రని 'భీష్మ' చిత్రం లో హరినాథ్ గారికి నటించే అవకాశం ఇచ్చి, తెలుగు సినిమా పరిశ్రమ లో, రామ రావు గారి తరువాత అంతటి పౌరాణిక పురుషుడిగా హరినాథ్ గారికి పేరు ఒచ్చేలా చేసారు రామ రావు గారు... ఆ తరువాత, 'గుండమ్మ కథ', వంటి ఎన్నో సాంఘిక చిత్రాల లో కూడా హరినాథ్ గారు నటించి మెప్పించారు...

ఒక వైపు కథానాయకుడిగా నటిస్తూనే, మరో వైపు క్యారెక్టర్ నటుడిగా ఎన్నో చిత్రాలలో నటించి తన నట జీవితాన్ని సమన్వయపరుచుకున్నారు, హరినాథ్... ఈ తరుణం లో, అరవయ్యో శతకం లో, 'లేత మనసులు' చిత్రం విడుదల అయ్యి, ఘన విజయం సాదించింది... హరినాథ్ గారిని రొమాంటిక్ హీరో గా నిలబెట్టింది... ఇక అప్పటినుండి, పదమూడు సంవత్సరాల పాటు, తిరుగులేని అందమైన, విజయవంతమైన కథానాయకుడిగా, అమ్మాయిల కళల రాకుమారుడిగా, హరినాథ్ గారి సిని ప్రస్తానం కొనసాగింది...

కాని, అనవసర ప్రలోభాలకు లొంగి, తన అందమైన రూపాన్ని పాడు చేసుకుని, పరిశ్రమకు దూరమయ్యారు, హరినాథ్...

సహజమైన, పాత్రకు ఉచితమైన నటనను ప్రదర్శించడం, సున్నితమైన ప్రేమ భావాన్ని, తెరపై నాయికలతో అంటే సహజంగా పలికించడం, హరినాథ్ గారి సొంతం... జమున గారు, వాణిశ్రీ గారితో హరినాథ్ గారు ఎన్నో విజయవంతమైన సినిమాలలో నటించారు... ఒకానొక దశలో, నాయికలందరూ హరినాథ్ గారితో నటించాలని పోటీ పడేవారట...

అలా, తన రూపం, నటన, విజయవంతమైన సినిమాలతో, తెలుగు సిని పరిశ్రమ ఉన్నంత కాలం, రొమాంటిక్ హీరో గా గుర్తుందిపూతారు, హరినాథ్ గారు...

ఈ మహా నటుడి జయంతి సందర్భంగా ఆయనను మరొక్కసారి తలుచుకున్నాం, మన లెజెండ్స్ ఆఫ్ ఇండియన్ సినిమా ద్వారా...

సునయన వినయ్ కుమార్