Posted: 08/28/2012 04:56 PM IST

నాకు ఇడ్లీ అంటే చాలా ఇష్టం .. అందులో  చికెన్ ముక్క ఉంటే మహా ఇష్టంగా తింటాను అని చెప్పే నాయకుడు సీపీఐ రాష్ట్ర కార్యదర్శి కె. నారాయణ. ఆయన డిఫరెంట్ గా నిరసనలు తెలుపుతుంటాడు.  ఒకచోట  కల్లు తాగుతాడు, మరోచోట హుక్క తాగుతు కనిస్తాడు. ఆయన స్టైలే వేరుగా ఉంటుందని ఎర్ర జెండా నాయకులు చెబుతుంటారు. ఇటీవల వాన్ ఫిక్ భూములపై రెచ్చిపోయి  తన ప్రతాపం కాళ్లతో  తన్ని మారీ చూపించాడు నారాయణ.  ఇప్పుడు  టీడీపీ నాయకులు, టీఆర్ఎస్ నాయకులు .. రాష్ట్రంలో ఉన్న విద్యుత్ సంక్షోభం పై ధర్నాలు , ర్యాలీలు చేస్తుంటే.. మన ఎర్ర జెండా నాయకుడు మాత్రం సైలెంట్ గా .. ఫ్యాన్ లేని గదిలో  కూర్చొని  ఆలోచనలు చేస్తున్నారు.  ఆయన ఆలోచన ఏమిటయ్యా అంటే .. అందరి కంటే .. ఢిఫరెంట్ గా ఉండాలనేది ఆయన కోరిక.  అందుకే ఇటీవల  రాయల సీమ నాయకులు అందరు సమావేశమైన .. తమకు ప్రత్యేక రాయల సీమ కావాలనే వాదనను తెరపైకి తీసుకురావటం జరిగింది. 

ఆ వాదన విన్న నారాయణ వెంటనె  ప్రత్యేక తెలంగాణ కావాలనే విషయాన్ని నారాయణ ఎత్తుకున్నట్లు తెలుస్తోంది. అందుకోసం సీపీఐ ఆద్వర్యంలో  ప్రజా పోరు యాత్ర ప్రారంభించినట్లు తెలుస్తోంది. నారాయణ కొంచెం స్వరం పెంచి.. గట్టిగా తెలంగాణ కోసం అడుగులు వేస్తున్నాడని  కాంగ్రెస్ నాయకులు అంటున్నారు. అంతేకాకుండా కాంగ్రెస్ నాయకులను .. దేశముదుర్లని, కిరాతకులు, దద్దమ్మలు  వారి చేప్పే మాటలు నమ్మవద్దని  ఆయన తెలంగాణ వాదులకు  చెబుతున్నాడట. తమ పార్టీ  రాష్ట్రంలో  ఒకే మాట ఒకే బాటగా ముందుకు  పోతోందన్నారు. ప్రాంతాలవారీగా  మాటలు మారచే  సిద్దాంతం  తమకు లేదన్నారు.  అంతేకాకుండ  రాజకీయ అవసరాల కోసం వెంకటేశ్వరస్వామిని  కూడా  వాడుకునే  పార్టీ కాంగ్రెస్ అయిన నారాయణ అంటున్నారు.  కేవలం మన్మోహన్ సింగ్  ప్రభుత్వానికి మద్దతిచ్చాడనే  కారణంతో ఆదికేశవులను టీటీడీ బోర్డు ను అప్పగించిన ఘన చరిత్ర  కాంగ్రెస్ పార్టీదని  నారాయణ అంటున్నారు.  అంతేకాకుండా   తెలంగాణ అంశాన్ని  నాన్చుతూ కాలం గడుపుతున్న  కాంగ్రెస్  నాయకులు  నేను  డెకాయిట్లు  అన్నందుకు  కొందరు క్షమాపణ  చెప్పాలంటున్నారని,  అయితే ఉస్మానియా క్యాంపస్ లో  శవాల మీద ప్రమాణం  చేసి మాట తప్పిన వారిని  డెకాయిట్లనక ఏమనాలని  ఆయన ప్రశ్నించారు.   తెలంగాణ రాష్ట్ర ఏర్పాటుకు  అడ్డుపడుతున్న  పార్టీలన్నీ  రానున్న రోజుల్లో  ప్రజాదరణ  కోల్పోయి  బంగాళాఖాతంలో  కలసి పోవడం ఖాయమని .. ఆయన అంటున్నారు. కాంగ్రెస్ నాయకులైతే .. నారాయణ రెచ్చిపోవటం చూసి.. తెలంగాణలో చికెన్ ముక్కలు బాగా దొరికినట్లుగా ఉందని అందుకే ఆయన అలా రెచ్చిపోతున్నాడని .. కాంగ్రెస్ నాయకులు గాంధీ భవన్ లో  జోకులు వేసుకుంటున్నారట.  నారాయణ తెలంగాణ పై చేస్తున్న ప్రజా పోరు యాత్ర ,చూసి  మీడియా నాయకులు కూడా నవ్వుకుంటున్నట్లు తెలుస్తోంది. టీడీపీ నాయకులైతే.. ఎర్ర దండు ఎంత ఎత్తున లేచిన .. చివరకు మా పార్టీతో పొత్తు పెట్టుకోవాల్సిందేనని టీడీపీ సీనియర్ నాయకులు అంటున్నారు.