Posted: 08/14/2012 08:48 PM IST

టాలీవుడ్  లో సంతోషం సినీ పురస్కారాల  ప్రదానోత్సవానికి  ముఖ్య అతిథిగా  కమల్ హాసన్ వచ్చారు.  అయితే  ఈ వేడుకకు  నటీ నటులు అందరు తరలివచ్చినట్లు తెలుస్తోంది. దక్షిణాది  సినిమా ప్రముఖులైన అక్కినేని  నాగేశ్వరరావు ,  కె. బాలచందర్ , శారద, ఏడిద నాగేశ్వరరావు, అంబరీష్ లకు  జీవిత కాల సాఫల్య పురస్కారాల్ని  ప్రధానం చేయటం జరిగిందట.  తెలుగులో  ఉత్తమ కథానాయకుడుగా బాలక్రిష్ట, ఉత్తమ నాయికగా నయనతార అవార్డుల్ని స్పీకరించినట్లు తెలుస్తోంది.  శ్రీరామరాజ్యం లో నటనకు గానూ  వారికి ఈ పురస్కారాలు వచ్చినట్లు ఫిలిం వర్గాలు అంటున్నాయి. అయితే కమల్ హాసన్ తన గతం ఒక్కసారి గుర్తుచేసుకున్నట్లు తెలుస్తోంది.   ఏమీ నేర్చుకోకుండా  సినిమా రంగంలోకి వచ్చాం.  మాకు అన్నీ నేర్చించి నటులుగా తీర్చిదిద్దిన గురువుగా బాలచందర్ అని కమల్ హాసన్ చెప్పటంతో  సభలో  చప్పట్లు సౌండ్ ఎక్కువగా వచ్చిందట.  గురువుగారికి అవార్డు  ఇవ్వడమంటే  చిత్ర పరిశ్రమ  మొత్తానికి  ఇస్తున్నట్లు లెక్క అని  కమల్ హసన్ చెప్పినట్లు తెలుస్తోంది.  దర్శకులు బాలచందర్  మాలో ఉన్న  ప్రతిభను  గుర్తించి  ప్రోత్సహించారని  అందరూ అనుకుంటున్నారు. కానీ అది వాస్తవం కాదు  అని కమల్ చెప్పినట్లు తెలుస్తోంది. అసలు చిత్ర పరిశ్రమలోకి వచ్చేనాటికి  మాకేమీ తెలియదు.  అలాంటి  మమ్మల్ని  తన చేతుల్లోకి  తీసుకొని  నటులుగా  మలిచారని కమల్ హాసన్ తన గురువు గురించి సభలో ఉద్వేకంగా చెప్పినట్లు తెలుస్తోంది. అంతేకాకుండా కమల్ హాసన్  తన గురువు అయిన బాలచందర్ కు పాదాభివందనం చేసినట్లు ఫిలింవర్గాలు అంటున్నాయి.  కమల్ తనకు గురువు కు పాదాభివందనం చేయడం  ఆ వేడుకలో  అందర్నీ ఆకర్షించిందని సినీ ప్రముఖులు అంటున్నారు.