Posted: 08/11/2012 07:49 PM IST

నందమూరి వంశం నుండి  టాలీవుడ్ లోకి ఎంట్రీ ఇచ్చిన తారకరత్న హీరోగా అంతగా సక్సెస్ కాలేక పోయాడు. దీంతో అతని పేరును ఎన్టీఆర్ గా మార్చుకున్నాడు. తాజాగా అందరికి షాకిస్తూ ఓ ప్రముఖ రాజకీయ నాయకుడికి బంధువు అయిన కాస్ట్యూమ్ డిజైనర్ అయిన విడాకులు తీసుకున్నా అలేఖ్యా రెడ్డిని రహస్యంగా సంఘీ టెంపుల్ లో సన్నిహితుల మధ్య పెళ్లి చేసుకున్నాడు. ఈ పెళ్ళికి తారకరత్న కుటుంబానికి చెందిన వారు ఎవరూ హాజరు కాలేదు. అయితే తారక రత్న అలేఖ్యారెడ్డిని పెళ్ళి చేసుకోవడం వెనుక మతలబు ఉందని అంటున్నారు సినీ జనాలు.

అదేంటంటే... అలేఖ్య రెడ్డికి మాజీహోంమంత్రి ఎ.మాధవరెడ్డి మరియు జగన్ అక్రమాస్తుల కేసులో ఏ2 అయిన విజయసాయిరెడ్డి ఫ్యామిలీలతో మంచి స్నేహసంబంధాలున్నాయట.. దీంతో  రాజకీయంగానే కాకుండా, ఫైనాన్సియల్ గా హెల్ప్ అవడమే కాకుండా, తన సినిమాలకు కూడా పెట్టుబడి పెట్టడానికి పనికి వస్తుందనే ఉద్దేశ్యంతో, తన కెరీర్‌ను కూడా రంగుల మయం చేసుకునే ఆలోచనతో చేసుకున్నాడని అంటున్నారు. ఇప్పటికే ఈమె తనకున్న పలుకుబడితో  పెట్టుబడి పెట్టి తారకరత్న విజేత, మైక్ టెస్టింగ్ 143, దయ వంటి సినీ ప్రాజెక్టులను రప్పించిందట.. ఈ ప్రకారంగా అలేఖ్య సంవత్సరానికి తారకరత్న ఖాతాలో 3 సినిమాలైనా ఉండేటట్లు ప్లాన్ చేస్తున్నట్లు చెప్పుకుంటున్నారు. మొత్తానికి తారకరత్న ఎన్టీఆర్ కెరీర్ ఈ దెబ్బతో ఓ రేంజ్‌కు వెళ్లిపోవడమే కాకుండా, ఆర్థికంగా ఎక్కడికో వెళ్ళిపోయాడని అంటున్నారు.