Posted: 07/31/2012 07:25 PM IST

సినిమా హీరో , హీరోయిన్ల పెళ్ళిళ్ళు మూణాళ్ళ ముచ్చేటనని గతంలో చాలా సంఘటనలు రుజువు చేశాయి. ప్రేమించి పెళ్లి చేసుకున్నా, పెద్దలు కుదిర్చిన పెళ్లి చేసుకున్నా మోజు తీరిన తరువాత పెళ్లి పెటాకులు చేసుకోవడం వాళ్లకు అలవాటైపోయింది. తాజాగా ఒకప్పటి అందాల సుందరి మనీషా కోయిరాల పెళ్లి పెటాకులు అయింది. మనీషా కొయిరాలా నేపాల్‌కు చెందిన ప్రముఖ పారిశ్రామికవేత్త సామ్రాట్ దలాల్‌‌ను వివాహం చేసుకుంది.

అచ్చట ముచ్చట తీరిందో లేక సినిమా ప్రపంచంలో గడిపిన రుచులు గుర్తొచ్చాయో  ఏమో కానీ, మొత్తానికి భర్తకు విడాకులు ఇచ్చేసి సామాను సర్ధుకొని ముంబై వచ్చేసింది. గతంలో వైవాహిక జీవితం సుఖదాయకంగా లేదనీ, అంతా నిస్సారంగా గడుస్తోందని ఫేస్ బుక్, ట్విట్టర్‌లలో తన గోడును వెళ్లబోసుకుంది.. గత కొన్ని రోజుల క్రితమే వీరు అధికారికంగా విడిపోయారని వార్తలు.   త్వరలో సెకండ్ ఇన్నింగ్స్ మొదలెట్టేందుకు సిద్ధమవుతున్నట్లు సమాచారం..