Posted: 07/26/2012 02:40 PM IST

       నైజీరియా దేశ పట్టణం అబూజా లో ఓ వింతైన సంఘటన ఆలస్యంగా వెలుగులోకి వచ్చింది.  చిన్న భార్యపై ఎక్కువ ప్రేమ చూపడమే అతడు చేసిన పాపమైంది! ఆరో భార్యనే ప్రేమగా చూసుకుంటున్నాడని, తమను అస్సలు పట్టించుకోవడం లేదన్న కోపంతో మిగతా ఐదుగురు భార్యలు భర్తపై సామూహిక అత్యాచారానికి పాల్పడ్డారు. దాంతో అతడు ప్రాణాలు వదిలాడు. నైజీరియాలోని బెన్యూ రాష్ట్రంలో వారం క్రితం ఈ సంఘటన చోటుచేసుకుంది. ఉరోకో ఒనోజా బాగా డబ్బున్న వ్యాపారవేత్త. అతడికి ఆరుగురు భార్యలున్నారు. అయితే చిన్న భార్యనే ఎక్కువగా ప్రేమించడం మిగతా భార్యలకు కంటగింపుగా మారింది. ఇక తాడోపేడో తేల్చుకుందామని ఐదుగురూ మూకుమ్మడిగా అతడిపై ‘దండయాత్ర’కు దిగారు. ఆరో భార్యతో అతడు సెక్స్‌ లో పాల్గొంటుండగానే గదిలోకి దూసుకెళ్లారు. తామందిరితో ఒకేసారి సెక్స్‌ లో పాల్గొనాలని అతడిని కత్తులు, కర్రలతో బెదిరించారు. చిన్న భార్య నుంచి మొదలుపెట్టి పెద్ద భార్య దాకా వరుసగా తమతో శృంగారంలో పాల్గొనాలని పట్టుబట్టారు. అతడు వారిని ప్రతిఘటించినా ఫలితం లేకపోయింది. రెండో భార్య మంచం వద్దకు వచ్చే సరికే ఒనోజా ఊపిరి ఆగిపోయింది. దాంతో ఆ ఐదుగురూ అడవిలోకి పారిపోయారని ఆరో భార్య చెప్పినట్టు ‘డైలీ పోస్ట్’ ఆన్‌లైన్ పత్రిక తెలిపింది.

...avnk