Posted: 07/24/2012 03:55 PM IST

మంత్రి ఏరాసు ప్రతాప రెడ్డికి మళ్లీ కొత్త చిక్కొచ్చింది. గాలి బెయిల్  కేసులో మంత్రిని  రక్షించేందుకు జడ్జిని బలి చేశారనే అనే వార్తలు ప్రజలు మద్య వినిపిస్తున్నాయి. కర్ణాటక మాజీ మంత్రి గాలి  బెయిల్ కేసులో  కొత్తగా మంత్రి గారి పేరు తెరపైకి వచ్చింది?  బెయిల్  100 కోట్లు  ఒప్పందంలో   న్యాయ శాఖ మంత్రి  ఉన్నాడనే  ఆరోపణలు వినిపిస్తున్నాయి. కర్ణాటక మాజీ మంత్రి గాలి జనార్దన్ రెడ్డి బెయిల్ కుంభకోణం కేసులో అరెస్టయిన మాజీ న్యాయమూర్తి లక్ష్మీనరసింహారావు తీవ్రమైన ఆరోపణ చేస్తున్నారు.

న్యాయశాఖ మంత్రి ఏరాసు ప్రతాప రెడ్డిని కేసు నుంచి తప్పించేందుకే తనను ఇరికించారని ఆయన ఆవేదన వక్తం చేస్తున్నట్లు మీడియా వర్గాలు అంటున్నాయి. అవినీతి నిరోధక శాఖ (ఎసిబి) జాయింట్ డైరెక్టర్ సంపత్ కుమార్ తన కుటుంబాన్ని చిత్రహింసలకు గురి చేస్తానని బెదిరించారని ఆయన చెబుతున్నాడు. ఎసిబి అధికారులు అసభ్య పదజాలంతో దూషిస్తున్నారని ఆయన ఫిర్యాదు చేసినట్లు తెలుస్తోంది.  గాలి జనార్ధన్ రెడ్డికి చెందిన బెయిల్ వ్యవహారంలో జడ్జి లక్ష్మీ నరసింహా రావును అవినీతి నిరోధక శాఖ(ఎసిబి) అధికారులు జులై 12వ తేదీ ఉదయం అరెస్టు చేసిన విషయం తెలిసిందే.  అయితే  లక్ష్మీ నరసింహ రావు సిటీ సివిల్ కోర్టు ప్రాంగణంలో స్మాల్ కాజస్ కోర్టు న్యాయమూర్తిగా పని చేసినట్లు తెలుస్తోంది. గాలి బెయిల్ కేసులో ఆయనపై ఆరోపణలు రావడంతో రాష్ట్ర అత్యున్నత న్యాయస్థానం హైకోర్టు జులై 11వ తేదీన వేటు వేసి ఆయనను సస్పెండ్ చేస్తూ ఉత్తర్వులు జారీ చేయటం జరిగిందని జడ్జీ చెబుతున్నారు.