Posted: 07/20/2012 05:29 PM IST

బాలకృష్ణ పోరుబాట పట్టినట్లు తెలుస్తోంది.  బాలకృష్ణ మొదటి ప్రయోగానికి నంది పలికినట్లు ఫిలింనగర్ వర్గాలు అంటున్నాయి. టాలీవుడ్ లో  అగ్ర దర్శకుడైన  రాఘవేంద్రరావు పై బాలకృష్ణ పోరు చెయ్యటానికి  సిద్దమైనట్లు ఫిలింనగర్ వాసులు అంటున్నారు.  బాలకృష్ణ దర్శకేంద్రుడు రాఘవేంద్రరావుపై కేసు పెట్టినట్లు సినీ పెద్దలు గుసగుసలాడుకుంటున్నారు.  రాఘవేంద్రరావు  నిబంధనలకు విరుద్ధంగా జూబ్లీ హిల్స్‌లో సినీమాక్స్ కాంప్లెక్స్ కట్టారని, ప్రభుత్వాన్ని మోసం చేసి వ్యాపారం చేస్తున్నారని ఆరోపిస్తూ సినీ దర్శకుడు బాలకృష్ణ హైకోర్టులో పిటీషన్ దాఖలు చేసినట్లు తెలుస్తోంది.  సినీ రంగానికి ఉపయోగపడే స్టూడియో లాంటివిని నిర్మిస్తానని చెప్పి రాఘవేంద్రరావు 300 కోట్ల విలువైన భూమిని కారు చౌకగా రూ. 80 వేలకు ఎకరం చొప్పున చెల్లించి దక్కించుకున్నాడని ఆయన ఆరోపిస్తున్నారు. అయితే ఆయన ఆ స్థలంలో ఎలాంటి సినీ స్టూడియో, రికార్డింగ్, డబ్బింగ్ లాంటి వాటికి ఉపయోగపడే స్టూడియోలను నిర్మించకుండా సినిమాక్స్ కాంప్లెక్స్ నిర్మించి వ్యాపారం చేస్తున్నారని సినీ దర్శకుడు అంటున్నారు. ఇది నిబంధనలకు విరుద్దం అంటున్నారు పిటీషనర్. మరి కోర్టు ఈ పిటీషన్‍‌పై ఎలాంటి తీర్పు ఇస్తుందో చూడాలి.