Posted: 07/16/2012 02:58 PM IST

ఇప్పటికి  149 సినిమాలో నటించి మెగా స్టార్ అయిన చిరంజీవి.  తన 150వ చిత్రానికి, నట జీవితానికి రాజకీయాలు అడ్డురావని రాజ్యసభ సభ్యుడు, కాంగ్రెసు పార్టీ ముఖ్య నేత చిరంజీవి అంటున్నాడట. తన నూటా యాభయ్యవ చిత్రం ప్రేక్షకులు, అభిమానుల మనసులలో నిలిచిపోయేలా ఉంటుందని, త్వరలోనే ఈ చిత్ర నిర్మాణం ప్రారంభమవుతుందని చెబుతున్నారు. లండన్‌లోని ట్రాక్సీ థియేటర్‌లో నిర్వహించిన యునైటెడ్ కింగ్‌డమ్ తెలుగు అసోసియేషన్ ద్వితీయ వార్షికోత్సవానికి చిరంజీవి ముఖ్య అతిథిగా హాజరైనట్లు మీడియా వర్గాలు అంటున్నాయి. తాను నటించబోయే నూటా యాభయ్యవ చిత్రానికి అభిమానుల్లోనూ, ప్రేక్షకులలోనూ ఆసక్తి నెలకొని ఉందని మంచి కథ కోసం ఆన్వేషిస్తున్నామని  చిరంజీవి చెప్పటం జరిగిందట. బ్రిటన్‌లో తనకు ఇంతమంది అభిమానులు ఉండటం గర్వంగా భావిస్తున్నానని ఆయన ఆనందం వ్యక్తం చేసినట్లు తెలుస్తోంది. అయితే లండన్ పరిసర ప్రాంతాలలోని చిరంజీవి అభిమానులు పెద్ద సంఖ్యలో హాజరయ్యానట్లు  మీడియా వర్గాలు అంటున్నాయి.

కాగా తెలుగు భాషను ప్రోత్సహించేందుకు, తెలుగు జాతి చరిత్రను వెలుగులోకి తీసుకు రావడానికి తన వంతు కృషి చేస్తానని రాజ్యసభ సభ్యుడు, కాంగ్రెసు పార్టీ ముఖ్య నేత చిరంజీవి అన్న విషయం తెలిసిందే. లండన్ బ్రిటిష్ లైబ్రరీలో యునైటెడ్ కింగ్‌డమ్ తెలుగు అసోసియేషన్ ఆధ్వర్యంలో నిర్వహిస్తున్న మొదటి ప్రపంచ తెలుగు చరిత్ర మహాసభలను బ్రిటన్ మంత్రి అలిస్టర్ ప్రారంభించారు. తెలుగు భాషా పరిరక్షణకు నడుం బిగిస్తానని, ఇంటి నుండే ఈ కార్యక్రమాన్ని ప్రారంభిస్తానని చిరంజీవి చెప్పినట్లు తెలుస్తోంది. తన మనవడు, మనవరాలు తెలుగులో మాట్లాడే విధంగా చూస్తున్నానని ఆయన చెప్పారు. తెలుగు భాష రాష్ట్రంలో కన్నా విదేశాలలోనే ఎక్కువగా ఫరిడవిల్లుతోందని, మారిషస్ దేశమే అందుకు నిదర్శనమని అన్నారు. త్వరలోనే ఆ దేశంలో పర్యటిస్తానని చిరంజీవి చెప్పినట్లు మీడియా వర్గాలు అంటున్నాయి. .