Posted: 07/04/2012 01:11 PM IST

అసలు పేరులోని ఆనందం లేకుండా పోతోంది .  కామ స్వామి అనీ, సెక్సానందుడనీ వార్తల్లో  నానుతోన్న  నిత్యానంద స్వామికి. ఏ ముహూర్తాన సినీ నటి రంజితతో  నిత్యానందుడి రాసలీలల వీడియో  మీడియాకెక్కిందో   అప్పటి నుంచి , నిత్యానందుడు  ఎదుర్కొంటోన్న  కష్టాలు  అన్నీ ఇన్నీ కావు.  ఆశ్రమంలో  జర్నలిస్టులపై దాడి చేసిన కేసులోనూ, అదే ఆశ్రమంలో  డ్రగ్స్ దొరికిన  కేసులోనూ నిత్యానంద  నానా రకాల  ఆరోపణలూ ఎదుర్కొంటున్నాడు.  ఈ టైమ్ లోనే,  అమెరికాలో  అయ్యగారి  నిర్వహణ వ్యవహరం తెరపైకి వచ్చింది.  రాసలీలల నిత్యానంద స్వామి వ్యవహారం కొత్త మలుపు తిరిగింది. ఆయన నిర్వహణలోని ట్రస్టును అమెరికాలోని కాలిఫోర్నియా కోర్టు పెద్ద ఫ్రాడ్‌గా తేల్చింది. ఈ ట్రస్టుకు అమెరికాలో కన్వీనర్‌గా ఉన్న నిత్య గోపాలానంద అలియాస్ గోపాల చిన్నారెడ్డికి ఈ నెల 19న తగిన శిక్ష విధించనున్నట్లు కోర్టు ప్రకటించింది.

2010 లోనే ఆశ్రమంలో నిధుల దుర్వినియోగానికి సంబంధించి ఇతనిని కాలిఫోర్నియా పోలీసులు అదుపులోకి తీసుకున్న సంగతి తెలిసిందే.ప్రవాస భారతీయులైన భక్తుల నుంచి వేల కోట్ల రూపాయలను విరాళాల రూపంలో ట్రస్టు స్వీకరించిందని, అయితే ప్రకటించిన కార్యక్రమాలకు బదులు అభ్యంతరకరమైన, అశ్లీల కార్యకలాపాలు నిర్వహిస్తోందని మఫత్‌లాల్ చావ్లా అనే భక్తుడు అమెరికా కోర్టులో ఫిర్యాదు చేయడంతో ఈ వ్యవహారం వెలుగుచూసింది. తాను విరాళంగా ఇచ్చిన మొత్తాన్ని తిరిగి ఇప్పించాలని చావ్లా కోర్టుకు విన్నవించుకోవడంతో 1.6 బిలియన్ల డాలర్ల మొత్తాన్ని ఆయనకు చెల్లించాలని కోర్టు తీర్పు ఇచ్చింది. కాగా, భక్తులతో తాంత్రిక్ సెక్స్ ఒప్పందాలు కుదుర్చుకుంటున్న మాట నిజమేనని విచారణ సందర్భంగా నిత్య గోపాలానంద అంగీకరించినట్లు తెలిసింది. ఈ తాజా పరిణామంతో నిత్యానందస్వామి మెడకు కొత్త వివాదం చుట్టుకుంది. ప్రస్తుతం తమిళనాడు రాష్ట్రంలోని మధురై జిల్లాలో గల అధీనం మఠంలో నిత్యానందుడు తలదాచుకుంటున్న సంగతి తెలిసిందే. బెంగళూరులోని ధ్యానపీఠాన్ని రాష్ట్ర ప్రభుత్వం సీజ్ చేయడంతో దీనిపై హైకోర్టులో కేసు నడుస్తోంది.