Posted: 06/24/2012 04:27 PM IST

ఎంత శ్రమించినా మొత్తనికి చిన్నారి మహి ని రక్షించుకోలేకపోయాం.  హర్యానా రాష్ట్రంలోని గుర్గావ్ బోరు బావిలో చిక్కుకున్న చిన్నారి మహి(5)ని బయటకు తీసేందుకు సహాయక సిబ్బంది 86 గంటలు చేసి కృషి విఫలమైంది. మహి మృతి చెందినట్లు వైద్యులు ప్రకటించారు. బావిలో పడిన రోజే చిన్నారి మృతి చెందినట్లు వారు తెలిపారు. మహి మృతిని జిల్లా కలెక్టర్ కూడా ధవీకరించారు. ఈనెల 20న ఇంటి ముందు ఆడుకుంటూ బోరు బావిలో పడిన మహిని బయటకు తీసేందుకు సహాయక సిబ్బందితోపాటు వైద్యులు, సైన్యం 86 గంటలసేపు కృషి చేశారు.
    వివరాల్లోకి వెళితే..  హర్యానాలోని కషాన్ గ్రామంలో బోరుబావిలో పడిపోయిన చిన్నారి మహిని రక్షించేందుకు అధికారులు తీవ్రంగా కృషి చేశారు.  డెబ్బై అడుగుల లోతులో ఉన్న మహికి బయటి నుంచి నాలుగు రోజులుగా ఆక్సీజన్ అందించారు. బోరు బావికి సమాంతరంగా తవ్వకాలు చేపట్టారు. అయితే  బండరాళ్లు రావడంతో కొంత ఆలస్యమైంది. అయినా అధికారులు మరింత వేగంగా పనులు ప్రారంభించారు. చిన్నారిని సురక్షితంగా బయటకు తీసేందుకు సైన్యం, అగ్నిమాపకదళం, పోలీసులు ప్రయత్నించారు.
 
    అయితే.. బుధవారం రాత్రి నుంచి బోరు బావి లోపలే ఉన్న చిన్నారి పరిస్థితి ఎలా ఉందో అనేదానిపై తీవ్ర ఉత్కంఠ నెలకొంది. మరోవైపు సంఘటనా స్థలానికి హర్యానా ముఖ్యమంత్రి భూపీందర్ సింగ్ చేరుకుని పరిస్థితిని తెలుసుకున్నారు. చిన్నారిని వీలైనంత త్వరగా సురక్షితంగా బయటతీసేందుకు అన్ని చర్యలు చేపడుతున్నామని సీఎం వెల్లడించారు కూడా. ఢిల్లీ మెట్రోరైలు టీంను కూడా రంగంలోకి దించామని చెప్పారు. సుప్రీంకోర్టు రిటైర్డ్ జడ్జి జస్టిస్ సంతోష్ హెగ్డే కూడా ఈ ఘటనపై సీరియస్ అయ్యారు. బోర్ బావులను ఎలాంటి పైకప్పు లేకుండా వదిలివేయడాన్ని తప్పుబట్టారు.రాష్ట్ర ప్రభుత్వం చర్యలు మరింత వేగవంతం చేయాలన్నారు. ఈ ఘటనపై జాతీయ బాలల హక్కుల పరిరక్షణ కమిషన్ హర్యానా ప్రభుత్వాన్ని నివేదిక కోరింది. బోరుబావి తవ్వకంలో సుప్రీం ఆదేశాలకు అనుగుణంగా వ్యవహరించారో.. లేదో.. తెలిపాలంది.

...avnk