Posted: 06/23/2012 02:46 PM IST

మొన్న జరిగిన  మెగా పెళ్లి రిస్పెషన్ కు  మహేష్ బాబు తన భార్య నమ్రత రావటం జరిగింది. ఆ సమయంలో  కెమెరా కళ్లు అన్ని మహేష్ బాబు  ఫ్యామిలీ పై పడ్డాయి.  రామ్ చరణ్ , ఉపాసన  ఉన్న వేదిక మీదకు వచ్చిన మహేష్ బాబు జంటను చాలా మందికి ఒక అనుమానం వచ్చింది.  నమ్రత మళ్లీ  గర్భవతి అయ్యిందా అని అక్కడున్న అందరు అనుకున్నారట. అదీ నిజమే అని  మహేష్ అభిమానులు అంటున్నారు.

 ప్రిన్స్ మహేష్ బాబు  మళ్లీ తండ్రి కాబోతున్న తరుణంలో.. ఒక కొత్త నిర్ణయం తీసుకున్నట్లు తెలుస్తోంది.  మహేష్ భార్య నమ్రత  ప్రస్తుతం  గర్భవతి.   అయితే పుట్టబోయే బిడ్డకు  సంబందిచిన మూల కణాలను  దాచుకోవాలని  ఆ దంపతులు నిర్ణయించుకున్నట్లు తెలుస్తోంది.  అందుకోసం  హైదరబాద్ లో  కార్డ్ లైఫ్ సంస్థను  సంప్రదించినట్లు తెలుస్తుంది.  బిడ్డ జన్నించగానే బొడ్డు  రక్తం  నుంచి మూల కణాల్ని  సేకరించి  భద్రపరుస్తారు. దీనివలన  భవిష్యత్తులో  బిడ్డకు,  కుటుంబంలోని  వారికి ఏదైనా  అనారోగ్యం  కలిగితే మూలకణాల  ద్వారా చికిత్స చేయించే వీలుంటుందట. అందుకోసం  ఈ నిర్ణయం తీసుకున్నట్లు తెలుస్తోంది.

 మహేష్ సతీమణి నమ్రత ఆగస్టులో ప్రసవించనుందనే గాసిప్స్ వినిపిస్తున్నాయి. ఇప్పటికే గౌతంకు జన్మనిచ్చిన ఈ జంట ఈ సారి ఆడ పిల్ల కోసం ఎదురు చూస్తున్నట్లు చర్చించుకుంటున్నారు. అయితే ఈ వార్తలు అఫీషియల్‌గా ధృవీకరించబడాల్సి ఉంది.  గత కొన్ని రోజులుగా మహేష్ బాబు యాక్టివిటీస్ చూస్తుంటే ఈ విషయం స్పష్టమవుతోందని ఫిల్మ్ నగర్లో గుసగుసలు వినిపిస్తున్నాయి. అయితే ఈ విషయాన్ని ఇప్పుడే బయట పెడితే మీడియా వాళ్లు అనవసర హంగామా మొదలు పెట్టి రచ్చ చేస్తారనే కారణంగానే ఈ విషయాన్ని రహస్యంగా ఉంచుతున్నారట.  ఏది ఏమైనా...మహేష్ బాబు మరోసారి తండ్రి కావడం అనే వార్త వినగానే అభిమానులు ఆనందం వ్యక్తం చేస్తున్నారు. ఇది తమకు మంచి శుభవార్తే అని, అయితే మహేష్ బాబు అఫీషియల్ గా ప్రకటించిన తర్వాతే సందడి మొదలు పెడతామని, అప్పటి వరకు కామ్ గానే ఉంటామని అంటున్నారు ఫ్యాన్స్.