Posted: 06/22/2012 03:58 PM IST

ఉప ఎన్నికల్లో  గెలిచినంత మాత్రాన దొంగలు దొరలవుతారా అని వైఎస్ఆర్ కాంగ్రెస్ పార్టీ  నేతలపై తెలుగుదేశం పార్టీ  నాయకులు అడుగుతున్నారు.   ప్రజల సంపదను దోచుకుని  దాచుకున్న  వైకాపా ఎమ్మెల్యేలు  వారి నేపథ్యాన్ని  మర్చిపోయి  ఇష్టమొచ్చినట్లు  మాట్లాడటం తగదని  పార్టీ నాయకులు అంటున్నారు.  సద్దాం  హుస్సెన్ , గఢాపీ, ముబారక్ లాంటి నాయకులు సైతం  ఏమైనారో ఒక్కసారి జగన్ పార్టీ  నాయకులు  గుర్తుకు తెచ్చుకోవాలని  తెలుగు దేశం పార్టీ నాయకుడు ధూళిపాళ్ల నరేంద్ర  అంటున్నారు.

 రామచంద్రపురం , నరసాపురం  నియోజకవర్గాల్లో  తెదేపా, కాంగ్రెస్  కుమ్మక్కయ్యాయన్న వైకాపా ఆరోపణలను   టిడిపి నాయకులు ఖండిస్తున్నారు.  అలాగే  పత్తిపాడు,  మాచర్ల, అనంతపురం, పోలవరంలలో  కాంగ్రెస్ కు డిపాజిట్లు  కూడా  దక్కలేదు.  ఆ నియోజక వర్గాల్లో  కాంగ్రెస్  వాళ్లను  వైకాపా కొనుక్కుందా?  లేక కాంగ్రెస్ అమ్ముడు పోయిందా? అసలు ఇద్దరు కలిసి కుమ్మక్కయ్యారా అని  టీడీపీ నేతలు అడుగుతున్నారు.

రాష్ట్రంలో  జగన్ అండో కో నిర్వాకం  వల్ల  ఐఏఎస్ అధికారులు, మంత్రులు , జడ్జీలు  సైతం   జైలుకు  వెళ్లాల్సిన పరిస్థితి  ఏర్పడిందని నరేంద్ర అంటున్నారు.   అంతేకాకకుండా త్వరలో  వైకాపా కాంగ్రెస్ లో కలిసిపోవడం ఖాయం అని అంటున్నారు.  జగన్ అలాంటి ఒప్పందం కోసం  ఆ పార్టీ నాయకులు  విశ్వప్రయత్నాలు చేస్తున్నారని  టీడీపీ నాయకులు అంటున్నారు.   ప్రజల చేత ఎన్నుకోబడిన నాయకులు చాలా మంది ప్రజల చేతిలో  చెప్పుదెబ్బలు తిన్న నాయకులు చాలా మంది ఉన్నారని టీడీపీ నాయకులు అంటున్నారు.  సద్దాం హుస్సెన్ , గఢాపీ, ముబారక్, లాడెన్ లాంటి వారికి అభిమానులు  చాలా మంది ఉన్నారు.  చివరకు వారి పరిస్థితి ఏమైంది....? రేపటి రోజున జగన్ అండ్ కో పరిస్థితి ఏమిటో ఆలోచించుకోవాలి...?