Posted: 06/16/2012 06:57 PM IST

గబ్బర్ సింగ్ సినిమాతో .. పవన్ కళ్యాణ్  రేంజ్ విపరీతంగా పెరిగిపోయింది.  పవన్ కళ్యాణ్ అనే పేరు పలికితేనే కొంత మంది హీరోయిన్లకు  నరాలు జివ్వుమంటున్నాయట.  పవన్  అవకాశం ఇస్తే  .. ఒకే ఒక్కసారి ప్లీజ్ అంటు వెంటబడే హీరోయిన్లు రెఢీగా ఉన్నట్లు తెలుస్తుంది.   పవన్ తీస్తున్నా కొత్త సినిమా  కెమెరా మెన్  గంగతో  రాంబాబు సినిమాలో తమన్నా చాన్స్ కొట్టేసింది.   అయితే ఇప్పుడు  పవన్ తో కలిసి నటించటానికి  రెఢీ అవుతుంది బాలీవుడ్  నటి.  ఇప్పటి వరకు  బాలీవుడ్  చిత్రాలకే  పరిమితమై  అక్కడ నెం.1  హీరోయిన్ గా  పేరుతెచ్చుకున్న  కరీనా కపూర్ అతి త్వరలో  తెలుగు తెరపై  సందడి  చేయబోతున్నట్లు  ఫిల్మ్ నగర్ లో  గుసగుసలు వినిపిస్తున్నాయి.   

 పవన్ కళ్యాణ్  గబ్బర్ సింగ్  సినిమాలో  కెవ్వు కేక పుట్టించినట్లు .. కెమెరామెన్  గంగతో రాంబాబు లో కూడా  మరో కెవ్వు కేక పుట్టించాలనే ఉద్దేశంతో ..  ఓ ప్రత్యేక పాట నిమిత్తమై  చిత్ర దర్శక నిర్మాతలు  కరీనా కపూర్ ని  సంప్రదించినట్లు .. ఆమె కూడా  ఆ ఒప్పందానికి  సానుకూలంగా  స్పందించినట్లు తెలుస్తోంది.

కరీనాకు పవన్ ఉన్న అనుబంధంతో నే  కరీనా ఈ ఆఫర్ కీ ఒప్పుకున్నట్లు తెలుస్తోంది.   అసలు ఇంతకీ  ఈ ఇద్దరి సంబంధం ఏమిటి అంటారా?  పవన్ హీరోగా నటించిన  తొలి ప్రేమ, ఖుషి, చిత్రాల ఆధారంగా  తెరకెక్కిన  హిందీ  చిత్రాల కోసం తన కెరీర్  ప్రారంభంలో  కరీనా హీరోయిన్ గా  నటించిందట.  అప్పుడు  పవన్  ఒరిజనల్ చిత్రాలను  చూసేటప్పుడు  పవన్  నటనకు  ఎంతో ఇంప్రెస్  అయి అతగాడ్ని  అభిమానించినందునే కరీనా  ఐటమ్ సాంగ్ కు  గ్రీన్ సిగ్నల్  ఇచ్చిందని  టాలీవుడ్ లో  టాక్.