Posted: 06/13/2012 07:36 PM IST

వైఎస్ జగన్  చంచల్ గూడ జైలు నుండి కోర్టుకు వెళ్లే సమయంలో  జగన్ చేసిన రచ్చ అంత ఇంత కాదని పోలీసులు అంటున్నారు. జగన్ చేసిన రగడ పై పీసీసీ అధికార ప్రతినిధి ఎన్ తులసి రెడ్డి సీరియస్ అయినట్లు తెలుస్తుంది.   అసలు జగన్ కు జెడ్ ప్లెస్  భద్రత ఎందుకు కల్పించాలి?  అని ఆయన అంటున్నారు.  జగన్ న్యాయస్థానాన్ని కూడా  బ్లాక్  మెయిల్  చేస్తున్నాడని ఆయన అంటున్నారు.  ఆమరణ దీక్ష చేస్తానంటూ  కోర్టును  బెదిరించటానికి   జగన్ కు సిగ్గుందా?   అని ఆయన అడుగుతన్నారు.  జగన్ చేస్తే  దీక్ష  ఎవరికోసం?  దేని కోసం  ?  ప్రజల కోసమా? రాష్ట్రం కోసమా?   అని తులసి రెడ్డి అడిగినట్లు పార్టీ వర్గాలు అంటున్నాయి.

 జగన్  పేదల మనిషిని ,  పేదల కోసమే  నాజీవితం అంటూ  ప్రసంగాలిచ్చే నాయకుడు చేసిన పని ఏమిటి అని ఆయన అడుగుతున్నారట.  జగన్ ను  సామాన్యులను తెచ్చే వ్యాన్లో కోర్టుకు తెస్తారా  అంటూ పోలీసు  అధికారుల పై మండిపడిన   జగన్  ప్రజలకు నాయకుడు ఎలా అవుతాడని  ఆయన అడుగుతున్నాడు.  తనకు ప్రత్యేకమైన కారు ఇవ్వకుంటే   జగన్ దీక్ష చేస్తానని  బెదిరించటం చాలా దారుణమైన విషయం అని  ఆయన అంటున్నారు.  

అంతేకాకుండా జైల్లో ఉన్న అధికారులపై  జగన్ జబర్థస్తీ  చేస్తున్నారని  ఆయన అంటున్నాడు.  గతంలో  అక్రమా కేసులో అరెస్టై  గాలిజనార్థన్ రెడ్డి , మాజీ మంత్రి మోపిదేవి వెంకటరమణ,  సీనియర్  ఐఏఎస్ అధికారి బీపీ ఆచార్య లాంటి వారు కూడా  ఇదే వాహనంలో  కోర్టుకు  వెళ్లారని  ఆయన అన్నారు.  జడ్ ప్లస్ భద్ర తలో ఉన్న చంద్రబాబుని కూడా బాబ్లీ  విషయంలో  మహారాష్ట్ర పోలీసులు  ఇలాంటి వాహనంలోనే తరలించారాని  జగన్ కు తులసి రెడ్డి గుర్తు చేశారు.  వారందరి కంటే జగన్ ఏమైనా  గొప్పా అని తులసి రెడ్డి ప్రశ్నించారు.  జగన్ ను  వ్యాన్ లో  న్యాయస్థానానికి  తీసుకువెళ్లారంటూ  జగన్ చేసిన హైడ్రామా  శోచనీయమన్నారు.