Posted: 06/08/2012 05:50 PM IST

 బత్తిన సోదరులు పంపిణి చేసే చేప మందు  పెద్ద వివాదం అయింది. దీనికి కారణం ప్రభుత్వమే అని  ప్రజలు అంటున్నారు. ప్రభుత్వం వైఫల్యం వలన  చేప మందుకు వచ్చిన ప్రజలు అనేక ఇబ్బందులు పడినట్లు తెలుస్తుంది. ప్రజల నమ్మకాన్ని ప్రభుత్వం దెబ్బతీసింది.  కొన్ని వేల మంది ప్రజలు నమ్మకంతో  చేప మందు తీసుకుంటున్నారు. అలాంటి నమ్మకాన్ని ప్రభుత్వం విఫలం చేసింది. ప్రజల కోసం ప్రభుత్వం తీసుకోవలసిన చర్యలు తీసుకోకపోవటం వలనే నేడు  బత్తిన సోదరుల  చేప మందు పంపిణీ వద్ద తీవ్ర తొక్కిసలాట  జరిగి.. ఒక మరణించినట్లు తెలుస్తుంది. దీని కారణం ప్రభుత్వమే అని ప్రజలు అంటున్నారు. సరియైన  సదుపాయలు కల్పించకపోవటంతో.. ఇంత ఘోరమైన పని జరిగిందని  ప్రజలు అంటున్నారు.  బత్తిన సోదురుల చేప మందు కోసం ఎందుకు నిధులు విడుదల చేయలేదో ఎవరికి అర్థం కావటంలేదట. కానీ మొన్న భద్రాచలం లో జరిగిన యాగానికి  50 లక్షలు నిధులు విడుదల చేసిన ప్రభుత్వం .. ఈ చేప మందు విషయం ఎందుకు వెనకడుగు వేసిందని ప్రజలు అంటున్నారు.

ప్రజల నమ్మకం పై  ప్రభుత్వం ఎందుకు చిన్న చూపు చూసిందని జన విజ్ననావేధిక లాంటి వారు చర్య తీసుకోవాలని  ప్రజలు కోరుతున్నారు.  ఇది కిరణ్ సర్కార్ వల్లనే ఈ వైపల్యం జరిగిందని ప్రజలు అంటున్నారు.  చంద్రబాబు ముఖ్యమంత్రిగా ఉన్నప్పుడు  బత్తిన సోదరులకు  నిజాం గ్రౌండ్ ను కేటాయించి వారికి అన్ని సదుపాయలను సకలంలో సమాకూర్చారని  ప్రజలు అంటున్నారు.  అప్పుడు  అందరికి అందుబాటులో ఉండే విధంగా  చంద్రబాబు ప్లాన్ చేయటంతో ఎంతోమందికి బత్తిన సోదరుల  చేప మందు  దక్కిందని  ప్రజలు అంటున్నారు.  కిరణ్ సర్కార్ వైఫల్యం వలన  ప్రజలు అనే ఇబ్బందులు పడినట్లు  మీడియా వర్గాలు అంటున్నాయి.

ఈ రోజు  చేప మందు పంపిణి ఈ విధంగా జరిగింది.  బత్తిన సోదరులు చేప మందు పంపిణీ చేస్తున్న కాటేదాన్ స్పోర్ట్స్ కాంప్లెక్స్ వద్ద శుక్రవారం ఉదయం తీవ్ర తొక్కిసలాట జరిగింది. ఈ ఘటనలో ఒకరు మృతి చెందగా, సుమారు 40 మందికి పైగా గాయపడ్డారు. మరో ఇద్దరి పరిస్థితి విషమంగా ఉన్నట్లు తెలియవచ్చింది. మృతిచెందిన వ్యక్తి మహారాష్ట్రకు చెందిన గోరఖ్‌పాటిల్‌గా గుర్తించారు. గాయపడిన వారంతా ఉస్మానియా ఆస్పత్రిలో చికిత్స పొందుతున్నారు. తొమ్మిది మంది అపస్మారక స్థితిలో ఉన్నట్లు తెలియవచ్చింది.

ఈరోజు ఉదయం బత్తిన సోదరులు చేప మందు పంపిణి ప్రారంభం కాగానే ఒక్కసారిగా జనం తోసుకుంటూ రావడంతో తొక్కిసలాట జరిగింది. పోలీసులు నియంత్రించలేకపోవడంతో ఈ ఘటన చోటు చేసుకుంది. తొక్కిసలాటలో ఊపిరి ఆడక మహిళలు, ముసలివాళ్ళు పెద్ద పెద్దగా కేకలు వేశారు.

చేపమందు కోసం రాష్ట్రం నుంచే కాకుండా ఇతర రాష్ట్రాల నుంచి వచ్చినవారు కాటేదాన్‑లో సరైన సదుపాయాలు లేక అనేక ఇబ్బందులు పడుతున్నారు. కనీసం మంచినీరు, ఆహారం, వసతి సౌకర్యాలు కల్పించకపోవడంపై వారు ఆవేదన వ్యక్తం చేస్తున్నారు. పిల్లలు, మహిళలు, వృద్దులతో వచ్చిన వారి పరిస్థితి మరింత దయనీయంగా తయారయ్యింది.

పట్టించుకునే వారు ఎవరూ లేకపోవడంతో చేసేదేమీ లేక గతరాత్రి రోడ్లపైనే పడుకున్నారు. నగరం నడిబొడ్డున ఉన్న ఎగ్జిబిషన్‌ గ్రౌండ్స్‌లో కాకుండా స్థలం కాటేదాన్ స్పోర్ట్స్ కాంప్లెక్స్ కు మార్చడంతో ఇక్కడికి చేరుకోవడమే కష్టంగా మారిందని చేపమందు కోసం వచ్చినవారు ఆగ్రహం వ్యక్తం చేస్తున్నారు.