Posted: 06/04/2012 07:21 PM IST

కాజల్‌కి ఓర్పు కూడా చాలా ఎక్కువట. అందుకే పరిశ్రమలో కాజల్‌ని అందరూ ‘మంచి అమ్మాయి’ అంటుంటారు.   ‘లక్ష్మీకళ్యాణం’ నుంచి ‘మగధీర’ ముందు వరకూ కాజల్ చిన్న సినిమాల హీరోయిన్. అప్పట్లో కాజల్ లొకేషన్‌కి రాగానే నిర్మాత నుంచి లైట్‌బోయ్ వరకూ అందరినీ పనిగట్టుకొని మరీ పలకరించేవారట. విశేషమేంటంటే... ప్రస్తుతం టాలీవుడ్ టాప్ హీరోయిన్లలో ఒకరిగా హవా సాగిస్తున్న కాజల్... ఇప్పటికీ అదే పద్ధతిని ఫాలో అవుతున్నారు.కాజల్ మంచితనాన్ని ప్రతిబింబించే ఓ సంఘటన ఇటీవల ఓ సినిమా షూటింగ్‌లో చోటు చేసుకుందట. విషయంలోకెళ్తే... సౌత్ ఇండియాకు సంబంధించిన ఓ ప్రముఖ హీరో సినిమా షూటింగ్ జరుగుతోంది. అందులో కాజలే హీరోయిన్. ఎక్కువగా ప్రాక్టికల్ జోక్స్ వేసే ఆ హీరోగారు, సిగరెట్ తాగుతూ... పొగను కాజల్ మొహంపై వదిలారట. కాజల్ దాన్ని లైట్‌గా తీసుకున్నారట. ఆ హీరోగారు అంతటితో ఆగకుండా... పదే పదే కాజల్ మొహంపై సిగరెట్ పొగను ఊదటం మొదలుపెట్టారని సమాచారం. దాంతో ఆ పొగను పీల్చలేక కాజల్ ఉక్కిరిబిక్కిరి అయిపోయారట.

ఆ సంఘటనతో అక్కడున్న యూనిట్ సభ్యులందరూ ఆందోళనకు గురయ్యారట. అంత జరుగుతున్నా కాజల్ మోములో చిరునవ్వు చెదరలేదట. కాజల్‌లోని ఓర్పుని చూసి విస్తుపోవడం అక్కడున్నవారి వంతైంది. పరిశ్రమలో ఎదగడానికి మంచితనానికి మించిన క్వాలిఫికేషన్ మరొకటి లేదని కాజల్ నిరూపించారని అక్కడున్నవారందరూ అనుకున్నారట. దటీజ్ కాజల్.