Posted: 05/30/2012 06:16 PM IST

ముఖ్యమంత్రి మమత బేనర్జీ ..ఐపీఎల్ విజయాన్ని ప్రపంచ విజయంగా భావిస్తుందని ఆమె పై కొందరు మండిపడుతున్నారు. ఐపీఎల్ టీమ్ లో అనేక దేశాలకు సంబంధించిన ఆటగాళ్లు ఉంటారనే విషయం మమతకు తెలుసో లేదోనని కోక్ కత్తా ప్రజలు అంటున్నారు. ఐపీఎల్ కప్ కోసం మమత ఇలా చేయటం వెనక మరొ కారణం కనబడుతుందని రాజకీయ విశ్లేషకులు అంటున్నారు.   మమత ముఖ్యమంత్రి పదవిని కాపాడుకోవటానికి ఐపీఎల్ గెలుపును వాడుకోని తన ఇమేజ్ పెంచుకోవటానికే ఇలా చేసిందని కొంతమంది పొలిటికల్ సీనియర్ నాయకులు అంటున్నారు. అంతేకాకుండా.. సన్నాన సభలో మమత అతిగా ప్రవరించారని మీడియా వారు అంటున్నారుమమత వలన రాష్ట్రానికి దాదాపు 2 కోట్ల రూపాయలు నష్టం వాటిల్లిందని ఆర్థిక , వ్యాపారవేత్తలు అంటున్నారు. పశ్చిమ బెంగాల్ పేద రాష్ట్రం కావడంతో   భారీ కనుకలు ఇవ్వలేమని చెప్పారు. అయితే నైట్ రైడర్స్ విజయోత్సవాలు నిర్వహించడం వల్ల చాలా మంది అధికారులు విధులకు డుమ్మా కొట్టాడంతో కోల్ కతా లో ఓ రకంగా సెలవు వాతావరణం నెలకొందని మీడియా వారు అంటున్నారు .

స్టేడియంలో జట్టుతో పాటు ముఖ్యమంత్రి మమత, మరికొంతమంది మంత్రులు సెలబ్రేషన్స్‌లో పాల్గొన్నారు. మమత ట్రోఫీని చూసి చాలా సేపు హత్తుకుపోయారు. ట్రోఫీని ఎవ్వరికీ ఇవ్వలేదు. అనంతరం ఓనర్లు షారుఖ్‌, జూహి, కెప్టెన్‌ గంభీర్‌ తో కలిసి దీదీ ట్రోఫీ ఎత్తుకుని అభివాదం తెలిపారు. ప్లేయర్లందరికీ కండువాలు కప్పి సన్మానించారు. వంకాయరంగు(కేకేఆర్‌ జెర్సీ కలర్‌) అంచులుగల చీర ధరించి వచ్చిన మమత జట్టును పొగడ్తలతో ముంచెత్తారు. బెంగాల్‌ గర్విస్తోంది. కోల్‌కతా నైట్‌రైడర్స్‌ విజయం ప్రపంచ విజయంగా అనిపిస్తోంది. అని మమత అన్నారు. ఈ రోజుకోసం చాలా రోజులుగా వెయిట్‌ చేస్తున్నామని షారుక్‌ తెలిపాడు. సీఎం మమత కోరిక వేరకు దితంగ్‌ దితంగ్‌ బోలె పాటకు షారుఖ్‌, జూహి స్టేజ్‌ మీద స్టెప్పులు వేస్తూ అలరించారు. ఆ పాటకు మమత, గవర్నర్‌ నారాయణన్‌, టీమ్‌ మెంబర్స్‌ చప్పట్లు కొడుతూ అలరించారు. ఆతర్వాత మమత అక్కడినుంచి వెనుదిరిగినా షారుఖ్‌ అతడి టీమ్‌ మెంబర్స్‌ చాలా సేపు స్టేడియంలో అభిమానుల మధ్యలోనే గడిపారు. షారుఖ్‌ చార్ట్‌బస్టర్‌ దర్దెడిస్కో, మై హూ డాన్‌ పాటలకు స్టేడియం మార్మోగిపోయింది. చక్‌దే ఇండియా పాటను చక్‌దే కోల్‌కతా పేరుతో పాడారు.

మొదట రైటర్స్‌ భవనం దగ్గరకు చేరుకున్న జట్టు అక్కడ ముఖ్యమంత్రి మమత బెనర్జీతో కలిసి ఊడెన్‌ గార్డెన్స్‌కు చేరుకున్నారు. ఐపీఎల్‌ ఐదో సీజన్లో విజేతగా నిలిచిన కోల్‌కతా నైట్‌ రైడర్స్‌కు సొంత గడ్డపై ఘన స్వాగతం లభించింది. కోల్‌కతా చేరుకున్న నైట్‌ రైడర్స్‌ జట్టు ఆతర్వాత కోల్‌కతా వీధుల్లో ట్రోఫీతో రోడ్‌ షో ఇచ్చారు. అనంతరం వేలాది అభిమానుల తరలిరాగ ఈడెన్‌ గార్డెన్స్‌కు చేరుకున్నారు. వారికి బెంగాల్‌ సీఎం మమతా బెనర్జీ ఘన స్వాగతం పలికారు. అనంతరం స్టేడియంలో ఏర్పాటుచేసిన భారీ సన్మాన కార్యక్రమంలో పాల్గొన్నారు. ఈడెన్‌ గార్డెన్స్‌కు అభిమానులు భారీ సంఖ్యలో తరలివచ్చారు. 70వేల కెపాసిటీ ఉన్న ఈడెన్‌ మొత్తం నిండిపోగా.. స్టేడియం బయట దాదాపు 30 వేల మంది ఉండిపోయారు.