Posted: 05/19/2012 01:07 PM IST

ఆజాద్  ఆమరణ నిరాహార దీక్ష చేయటం ఏమిటి? అనుకుంటున్నారా?  మీరు చదివింది, చూసింది నిజమే. ఆజాద్ అంటే  కాంగ్రెస్  పార్టీ  గులాం నబీ ఆజాద్ కాదు. ఈ ఆజాద్  బిజేపి పార్టీకి చెందిన ఎంపీ . ఆయన ఇప్పుడు క్రికెట్ పై పోరటం చేయటానికి పునుకున్నాడు. అందుకోసం  ఆయన ఆమరణ నిరాహారదీక్ష చేస్తానంటున్న ప్రకటన చేశాడు.

ఐపీఎల్ లో వరుస వివాదాలపై  లోక సభలో ను చర్చ జరిగింది.  లీగ్ పై  ఉన్నతస్థాయి విచారణ జరపాలని  భారత  మాజీ క్రికెటర్  బీజేపి ఎంపీ కీర్తి ఆజాద్ డిమాండ్  చేశాడు . క్రికెట్ ను డ్రామాగా మార్చేసింది ఐపీఎల్. దేశంలోని  చట్టాలకు  తాము అతీతులమని  బీసీసీఐ, ఐపీఎల్  భావిస్తున్నట్లోంది అని  ఆజాద్  అన్నాడు.  ఇంతకు ముందు  కూడా  ఐపీఎల్  జరుగుతున్న  తప్పులు గురించి  తాను సభ కు పరిచయం చేయటం జరిగింది. కానీ చర్యలు మాత్రం తీసుకోలేదని  అన్నాడు.  ఈసారి తన డిమాండ్ ను  పట్టించుకోకపోతే  ఆదివారం నుంచి ఫిరోజ్ షా కోట్లా  మైదానంలో ఆమరణ  నిరాహారదీక్షకు దిగుతానని హెచ్చరించాడు.