Posted: 05/18/2012 06:44 PM IST

గబ్బర్ సింగ్ కు ప్రశంసల జల్లు కురిపించిన వారి జాబితాలో ఎక్కడా రామ్ చరణ్ పేరు లేకపోవడంతో అభిమానులు నిరాశ చెందారు. ఈలోగా ... వారి మధ్య మనస్పర్థల కారణంగానే చరణ్ ఇంతవరకూ ఈ సినిమా పై ఎలాంటి కామెంటూ చేయలేదనే వార్తలు షికారు చేస్తున్నాయి. ఇప్పుడా వార్తలకి ఫుల్ స్టాప్ పెడుతూ, చరణ్ ఈ సినిమాపై స్పందించాడు. 'గబ్బర్ సింగ్' చిత్రం అదుర్స్ అనిపించేలా ఉందనీ ... నిజంగా ఈ సినిమా ప్రేక్షకులకి ఓ పండుగ లాంటిదని ట్వీట్ చేశాడు. విదేశాల నుంచి రాగానే ఈ సినిమా చూశాననీ ... ఈ సినిమా సక్సెస్ లో పాలు పంచుకున్న వారందరికీ అభినందనలు అందజేస్తున్నానంటూ ట్విట్టర్ లో పోస్ట్ చేశాడు. దాంతో ఇప్పుడు మెగా అభిమానులంతా యమా ఖుషీ అయిపోతున్నట్టు తెలుస్తోంది.  

      

గబ్బర్ సింగ్' చిత్రం విడుదలై తొలి రోజునే హిట్ టాక్ ని సంపాదించుకుంది. ఈ నేపథ్యంలో సినీ పరిశ్రమకి చెందిన పలువురు ప్రముఖులు  ఈ సినిమా సక్సెస్ పట్ల హర్షాన్ని వ్యక్తం చేశారు. దాసరి నారాయణ రావు ... రామ్ గోపాల్ వర్మ  ... రామానాయుడు ... త్రివిక్రం శ్రీనివాస్ ... అక్కినేని అఖిల్ ... సిద్ధార్థ్  ఇలా అందరూ కూడా ఈ సినిమా పట్ల తమ అభిప్రాయాలను వెల్లడిస్తూ, పవన్ కళ్యాన్ తో పాటు దర్శక నిర్మాతలకి అభినందనలు అందజేశారు.  ఈ సినిమాలో పవన్ చూపిన స్టైలు ... చెప్పిన డైలాగులు ... చేసిన డాన్సులు ... అభిమానులని అమితంగా ఆకట్టుకుంటున్నాయి. ఈ సినిమా సంచలన విజయాన్ని సాధిస్తుందని భావించిన పవన్ అభిమానులు సంతోషంతో సంబరాలు జరుపుకుంటున్నారు.