Posted: 04/30/2012 04:10 PM IST

వైయస్ జగన్ మోహన్ రెడ్డి అక్రమంగా సంపాదించిన ఆస్తులను జప్తు చేయాలని ప్రభుత్వం ఆలోచిస్తున్నట్లు వార్తలు వస్తున్నాయి. 1944 నాటి క్రిమినల్ లా అమెండ్ మెంట్ ఆర్టినెన్స్లో నిబంధనల క్రింద జగన్ ఆస్తులను జప్తు చేయాలని ప్రభుత్వం భావిస్తుందని ఓ వార్త పత్రిక ప్రచురించింది.

తన తండ్రి వైయస్ రాజశేఖర్ రెడ్డి పేరు చెప్పుకొని జగన్ అపారంగా అక్రమ ఆస్తులు సంపాదించారిని సీబీఐ తన ఛార్జి షీట్ లో పేర్కొన్న విషయం తెలిసిందే. అయితే ఇందుకు సంబంధించిన ధరఖాస్తు ధాఖలు చేసేందుకు సీబీఐకి అనుమతివ్వాలని ప్రభుత్వం నిర్ణయిందని వార్తలు. ఈ చట్టం ప్రకారం ఏ వ్యక్తి అయినా ఆస్తులు లేదా డబ్బులు సంపాదిస్తే దానిని జప్తు చేసేందుకు రాష్ట్రానికి గానీ, కేంద్రానికి గానీ ఆస్తుల జప్తు చేసే అధికారం ఉంటుంది. ఉప ఎన్నికలకు ముందే ఈ తంతు కానివ్వాలని ప్రభుత్వం ఆలోచనలో ఉన్నట్లు తెలుస్తుంది. ఒక వేళ ఇదే జరిగితే జగతి పబ్లికేషన్స్ కి చెందిన వాటి పై ఎక్కువ వేటు పడే అవకాశం ఉందని, త్వరలో ఈ ప్రక్రియ ప్రారంభం అవుతుందని ఓ అధికారి తెలిపారు.

ఆస్తులను జప్తు చేసేందుకు వీలుగా డాక్యుమెంట్లను కూడా తయారు చేసే పనిలో సీబీఐ ఉందని, సాక్షి గ్రూపుకు చెందిన వాటిని ప్రకటనలు కూడా ఇవ్వరాదని ప్రభుత్వం నిర్ణయించిందని, దీనికి సంబంధించిన ప్రకటన కూడా మరో రెండు రోజుల్లో వెలువడే అవకాశాలు ఉన్నాయి అంటున్నారు. ఈ ఆస్తుల జప్తు తరువాత జగన్ ని అరెస్ట్ చేసే అవకాశాలు కూడా చాలా వరకే ఉన్నాయని అంటున్నారు. ఏం జరుగుతుందో వేయిట్ అండ్ సీ.