Posted: 04/25/2012 06:43 PM IST

వివాదాల జంటగా పేరు తెచ్చుకొని, ఊసరవెల్లి రంగులు మార్చినట్లు ఎప్పుడూ పార్టీలు మార్చుతూ ఉండే జీవిత రాజశేఖర్ లు ఈ నెల 25 తారీఖున వారు వెంకయ్య నాయుడు సమక్షంలో బిజేపీలో చేరబోతున్నట్లు వార్తలు వచ్చిన విషయం తెలిసిందే.
గతంలో దివంగత ముఖ్యమంత్రి రాజశేఖర్ రెడ్డి ఉన్నప్పుడు కాంగ్రెస్ లో ఉన్న వీరిద్దరు ఆయన మరణాంతరం ఆయన కొడుకు వైయస్సార్ పార్టీలో చేరిన విషయం తెలిందే. ఆయనతో విభేదాలు రావడంతో ఆయనకు దూరం అయ్యారు. తరువాత వారు కాంగ్రెస్ లోకే వెళదామని ప్రయత్నించినా, ఆ పార్టీలోకి చిరు పార్టీ విలీనం చేయడంతో తిరిగి వెళ్ళలేక సైలెంట్ అయిపోయారు. గత కొద్ది రోజుల క్రితం టీడీపీలో చేరడానికి తీవ్ర ప్రయత్నాలు చేశారని వార్తలు వచ్చాయి. అయితే పెట్టిన షరతులు బాబుకు నచ్చక పోవడంతో వీరిని ఆమడ దూరంలో ఉంచారు.

ఇప్పుడు బీజేపీలో చేరదామనుకున్నారు. కానీ వారి చేరిక వాయిదా పడింది. దీనికి వెంకయ్యనాయుడు టైం ఇవ్వలేదని, ఆయన టైం ఇచ్చినప్పుడు చేరుతామని చెబుతున్నా ఈ వాయిదా వెనుక అనేక కారణాలు ఉన్నాయని అనుకుంటున్నారు.
గతంలో వివిధ పార్టీలలో ఉంటూ జీవిత రాజశేఖర్లు ప్రవర్తించిన తీరు, ముఖ్యంగా జీవిత పై అనేక ఆరోపణలు రావడం... మొన్నటికి మొన్న సెక్స్ రాకెట్ కుంభకోణంలో బయట పడ్డ తారా చౌదరితో సంబంధాలు కలిగి ఉండటం, జీవిత తన భర్తకు అమ్మాయిలను సరఫరా చేస్తుందనే ఆరోపణలు, రాజశేఖర్ ఇతరులతో ప్రవర్తించే తీరు, ఇండస్ట్రీలో అప్పులు అడిగే విధానం వంటివి ఆ పార్టీకి చెందిన కార్యకర్తలు వెంకయ్యనాయుడితో చెప్పారని అందుకే వెంకయ్యనాయుడు వీరి చేరిక కావాలనే వాయిదా వేశాడని అనుకుంటున్నారు. దాంతో పాటు వీరిని పార్టీలో చేర్చుకుంటే వచ్చే లాభ నష్టాలను కూడా ఇతర నేతలతో చర్చించాడని వారు కూడా వీళ్ళు చేరితే పార్టీకి నష్టమే కానీ , లాభం ఏం లేదని చెప్పడంతో వెంకయ్య నాయుడు వీరు రాకుండా తలుపులు బంద్ చేశాడని రకరకాలుగా చెప్పుకుంటున్నారు.
బీజేపీలో కూడా వీరికి స్థానం లేకపోవడంతో తరువాత వీరు కమ్యూనిస్టుల వైపు చూస్తారని అనుకుంటున్నారు. ప్రస్తుతం  ఖాళీగా ఉన్న రాఘవులు కానీ, చికెన్ నారాయణ లాంటి వారైనా వీరిని చేర్చుకుంటారో లేదో చూడాలి మరి.