Posted: 04/25/2012 04:03 PM IST

గత కొంత కాలంగా రాష్ట్రాన్ని, కాంగ్రెస్ అధిష్టానాన్ని హరికేన్ తుఫాన్ లా అతలాకుతలం చేస్తున్న తెలంగాణ అంశం పై కాంగ్రెస్ ఓ నిర్ణయానికి వచ్చిందా ? ఉప ఎన్నికల తరువాత కాంగ్రెస్ అధిష్టానం రాయలతెలంగాణ ఇవ్వడానికి సిద్దమైందా? రాయల తెలంగాణ ఇచ్చి సీమాంద్రలో జగన్ కి చెక్ పెట్టాలనే వ్యూహంలో ఉందా అంటే అవునంటున్నాయి హైదరాబాద్ లోని రాజకీయ వర్గాలు.

ప్రస్తుతం కాంగ్రెస్ పరిస్థతి కుడితిలో పడ్డ ఎలుకలాగా ఉంది. ఇటు తెలంగాణ ఇష్యూతో ఇక్కడ, సీమాంద్రలో జగన్ తో సతమతమౌవుతుంది. దీంతో తెలంగాణ పై ఓ నిర్ణయానికి వచ్చినట్లు హైదరాబాద్ సర్కిల్స్ లో గుసగుసలు వినబడుతున్నాయి.  ఆ సమాచారం ప్రకారం రాయల తెలంగాణకు కాంగ్రెస్ హై కమాండ్ ఆమోదముద్ర వేసిందని అంటున్నారు.  తెలంగాణతో పాటు రాయలసీమ లోని నాలుగు జిల్లాలు కరన్నూలు, కడన, అనంతపురం, చిత్తూరు జిల్లాలు తెలంగాణలో భాగంగా ఉంటాయి. మిగిలిన కోస్తాలోని తొమ్మిది జిల్లాలు ఆంధ్ర రాష్ట్రంగా ఉంటాయి.

ఈ నేపధ్యంలో రాయల తెలంగాణ పరిష్కారానికి కోస్తా , రాయలసీమ నాయకులతో పాటు కేసీఆర్ కూడా ఆమోదం తెలిపినట్లుగా వార్తలు. రాయల తెలంగాణతో ఇటు తెలంగాణ ప్రజలను, అటు జగన్ కి చెక్ పెట్టవచ్చనే వ్యూహంతో కాంగ్రెస్ అధిష్టానం అడుగువేస్తుందని అంటున్నారు. ప్రస్తుతం సీమాంధ్రలో పూర్తి ఆదిపత్యంతో ఉన్న జగన్ కి చెక్ పెట్టాలంటే ఆయనకు అనుకూలంగా ఉన్న కడప, కర్నూలు, అనంతపురం జిల్లాలు తెలంగాణలో కలుస్తాయి. దీంతో జగన్ కి కళ్ళెం వేయడంతో పాటు పార్టీని అధికారంలోకి తెచ్చుకోవచ్చని భావిస్తున్నారు. ఇక కోస్తా ఆంధ్రాలో కాపులకు దగ్గరయ్యి అక్కడ కూడా అధికారం చేజిక్కుకోవచ్చని భావించే రాయల తెలంగాణకు అనుకూలంగా నిర్ణయం తీసుకుందని కాంగ్రెస్ పార్టీకి చెందిన ఓ ప్రముఖ నాయకుడు అంటున్నారు.

ఈ ఫార్ములాకు కేంద్రం ఆమోద ముద్ర వేసే పక్షంలో ముందుగా తెలంగాణకు చెందిన నాయకుడు ఒకరికి ముఖ్యమంత్రి బాధ్యతలు అప్పగించవచ్చు. మర్రిశశిధర్ రెడ్డికి ఎక్కువ అవకాశాలు ఉంటాయని కాంగ్రెస్ వర్గాలలో ప్రచారం జరుగుతోంది. ఆ తర్వాత రాష్ట్ర విభజన ఫార్ములా అమలు అయితే కోస్తాలో బొత్స సత్యనారాయణ ముఖ్యమంత్రి అయ్యే అవకాశాలు ఉండవచ్చు. లేదా చిరంజీవికి ఛాన్స్ రావచ్చు. రాయల తెలంగాణ ద్వారా జగన్ సమస్యకు ఒక పరిష్కారం లభిస్తుందని కాంగ్రెస్ అదిష్టానం భావిస్తున్నది చెబుతున్నారు.