Posted: 04/10/2012 03:20 PM IST

అక్క పని అయిపోయిందని 3 సినిమా ద్వార తెలిసిందని కోలివుడ్ వర్గాలు అంటున్నాయి. ఇక కోలీవుడ్ చూపుంత .. రజనీ చిన్న కూతురి సౌందర్యపై ఉందని అంటున్నారు. సౌందర్య కూడా అక్క బాటలోనే .. దర్శకత్వాన్ని చేపట్టిన విషయం తెలిసిందే. తన తండ్రి హీరోగా పెట్టి సౌందర్య సినిమా తీస్తున్న విషయం కోలీవుడ్ సంచలనం రేపుతుంది.

దక్షిణభారత సూపర్‌స్టార్ రజనీకాంత్ పెద్దకుమార్తె ఐశ్వర్య దర్శకురాలిగా ఇంప్రెస్ చేయలేకపోయింది. భర్త ధనుష్ హీరోగా ఆమె డైరెక్ట్ చేసిన తొలి సినిమా '3' అటు తమిళం, ఇటు తెలుగు భాషల్లో ఫ్లాపయింది. తెలుగులో కంటే తమిళంలో మరీ ఈ సినిమా డిజాస్టర్‌గా పేరు తెచ్చుకుంది. అనుభవ రాహిత్యంతో విస్తృత కాన్వాస్ ఉన్న సబ్జెక్టును ఎంచుకోవడం ఐశ్వర్య చేసిన తప్పనీ, అలాంటి సబ్జెక్టును డీల్ చేయాలంటే కత్తిమీద సాము వ్యవహారమనీ విశ్లేషకులు అభిప్రాయపడ్డారు.

ఈ నేపథ్యంలో ఇప్పుడందరి చూపూ రజనీ చిన్న కూతురు సౌందర్యపై ప్రసరిస్తోంది. అక్క బాటలోనే సౌందర్య కూడా దర్శకత్వాన్ని చేపట్టి ఏకంగా తన తండ్రి రజనీనే డైరెక్ట్ చేస్తోంది. కె.ఎస్. రవికుమార్ పర్యవేక్షణలో ఆమె 'కోచ్చడయ్యాన్'ను రూపొందిస్తోంది. ఈ సినిమాకి కథ, స్క్రీన్‌ప్లేని రవికుమార్ సమకూర్చగా, అత్యంత భారీతనంతో ఈ సినిమాని తీస్తోంది సౌందర్య. తమిళంతో పాటు తెలుగు, హిందీ, జపనీస్, ఇంగ్లీష్ భాషల్లో రిలీజ్ కానున్న ఈ సినిమాని మోషన్ కేప్చర్ 3డి విధానంలో ఆమె తీస్తోంది.

దీపికా పదుకోనే, శరత్‌కుమార్, ఆది పినిశెట్టి, శోభన, రుక్మిణి, జాకీష్రాఫ్, నాజర్ వంటి తారాగణం నటిస్తున్న ఈ సినిమాకి ఎ.ఆర్. రెహమాన్ సంగీతం ఇస్తుండటం ఆసక్తిని రెట్టింపు చేస్తోంది. తొలి సినిమాలోనే ఇంతటి భారీతనాన్ని చూపిస్తున్న సౌందర్య అందుకు తగ్గ ఫలితాన్ని రాబడుతుందా, లేదా అని ఇటు టాలీవుడ్, అటు కోలీవుడ్ సినీ వర్గాలు ఎదురుచూస్తున్నాయి.