Posted: 03/26/2012 03:50 PM IST

హీరో అక్కినేని నాగార్జున గతంలో అన్నమయ్యగా, శ్రీరామదాసు భక్తునిగా నటించి తెలుగు ప్రేక్షకుల మనస్సులను దొచుకున్న వ్యక్తి. ఇప్పుడు అదే తరహాలో.. తెలుగు ప్రజలకు ఇష్టమైన దైవం.. షిర్డీ సాయిబాబాగా నటించటానికి సిద్దమైన విషయం తెలిసిందే. అయితే ‘శిరిడి సాయి’ సినిమాలో సాయిబాబాగా ప్రేక్షకుల ముందు రాబోతున్న నాగార్జున ముందుగా ఆ బాబా దర్శనం కోసం షిర్ఢి వెళ్లినట్లు తెలుస్తుంది. నాగార్జున తండ్రి అక్కినేని నాగేశ్వరావు అడుగు జాడల్లోనే నడుస్తున్నట్లు తెలుస్తుంది. హీరో నాగేశ్వరావు కూడా భక్తి సినిమాల విజయంతో .. తెలుగు ప్రేక్షకుల మనస్సులను గెలుచుకున్న వ్యక్తి నాగేశ్వరావు. ఇప్పుడు నాగార్జున కూడా ..భక్తి సినిమాలపై శ్రద్దపెట్టినట్లు ఫిలింవర్గాలు అంటున్నాయి.

ప్రముఖ హీరో అక్కినేని నాగార్జున శ్రీ షిర్డీ సాయిబాబాను దర్శించుకున్నారు. హైదరాబాద్ నుంచి బయల్దేరి11 గంటలకు షిర్డీ చేరుకున్న నాగార్జున... సతీమణి అమల, ఇతర కుటుంబ సభ్యులతో కలిసి బాబా సమాధి మందిరంలో ప్రత్యేక పూజలు నిర్వహించారు. మధ్యాహ్నం 12 గంటలకు బాబాకు నిర్వహించే హారతిలో పాల్గొని తీర్థప్రసాదాలను స్వీకరించారు. సాయిబాబా దర్శనం కోసం వచ్చిన నాగార్జున దంపతులను శ్రీ షిర్డీ సాయిబాబా ట్రస్టు సభ్యులు బాబా శేషవస్త్రాలతో సన్మానించారు.

సాయిబాబా జీవిత చరిత్ర ఆధారంగా నిర్మితమవుతున్న ‘శిరిడి సాయి’ సినిమాలో సాయిబాబాగా నాగార్జున నటిస్తున్న విషయం తెలిసిందే. దర్శకేంద్రుడు కె.రాఘవేంద్రరావు, ఛాయాగ్రాహకుడు ఎస్.గోపాల్‌రెడ్డి తదితరులు కూడా బాబాను దర్శించుకున్నారు.