Posted: 02/29/2012 03:42 PM IST

సమాజంలో డబ్బు ఉన్నవారి కంటే.. డబ్బు లేని వారే నిజాలు చెబుతారట. పేద వారు నైతిక కట్టుబాట్లుకు ఆతీతంగా ఉంటారని తెలుస్తుంది. పేదవారు నీతి, నీజాయితి, అబద్దం, మోసం, అనైతిక చర్యలకు పాల్పడరని తెలిసింది. సాధారణ ప్రజలతో పోల్చితే సంపన్నులే ఎక్కువగా అబద్దాలు చెప్పే అవకాశం ఉందని తాజా అధ్యయనం ఒకటి పేర్కొంది. సంపన్న వర్గాలకు చెందిన వారు ఎక్కువగా అబద్దం, మోసం , అనైతిక చర్యలకు పాల్పడే అవకాశం ఉన్నట్లు వివరించింది. ఈ మేరకు అధ్యయనంలో గుర్తించిన అంశాలు ప్రొసీడింగ్స్ ఆఫ్ నేషనల్ అకాడమీ ఆఫ్ సైన్సెస్ పత్రికలో ప్రచురితమయ్యాయి. ఈ అధ్యయనం అధారంగా ధనవంతులందరూ అనైతికపరులు, తక్కిన వారంతా నీతిమంతులు అనుకోవడానికి వీల్లేదని అధ్యయన కర్తలు హెచ్చరించారు.

అధ్యయన కర్త, పాల్ పిఫ్, కాలిఫోర్నియా యూనివర్సిటీకి చెందిన బెర్కెలీ మాట్లాడుతూ ధనికులు పోకడ స్వార్థం, అత్యాశలతో కూడి ఉండొచ్చు. అందువల్ల డబ్బు తక్కువున్న వారితో పోల్చితే వారికి తక్కువగా నైతిక కట్టుబాట్లు ఉంటాయి అని పేర్కొన్నారు. మొదటి అధ్యయనాన్ని పాదచారుల మార్గం పైకి దూసుకొచ్చే వాహనదారులపై చేయగా.. సాధారణ ప్రజలతో పోల్చితే సంపన్నులే ఎక్కువగా నిబంధనల ఉల్లంఘనకు పాల్పడొచ్చని తేలిందన్నారు. ఉన్నత వర్గాలకు చెందిన వ్యక్తులపై చేసిన మరికొన్ని పరీక్షల్లో .. వారు ఎక్కువగా అనైతిక నిర్ణయాలు తీసుకొనే ప్ర్రవ్రుత్తి కలిగినట్లు వెల్లడైందన్నారు.