Posted: 02/22/2012 07:07 PM IST

ఓ సారి ఆడుతూ.. మరోసారి దూరంగా ఉంటూ వన్డే క్రికెట్ లో కొనసాగడం తనకు తగునో కాదో సచిన్ టెండూల్కర్ ప్రశ్నించుకోవాలని మాజీ కెప్టెన్ సౌరబ్ గంగూలీ అంటున్నాడు. విరామాలిస్తూ .. వన్డేల్లో కొనసాగడం తనకు తగునో కాదో సచిన్ ప్రశ్నించుకోవాలి. టోర్నీలకు దూరంగా ఉంటూ.. 8, 9 మాసాల తర్వాత వన్డే సిరిస్ లు ఆడడం సచిన్ కు ఎంతవరకు లాభదాయకమో ప్రశ్నించుకోవాలి.

అలాగే దీనివల్ల వన్డే ఆటగాడిగా తనకు, భారత వన్డే జట్టుకు ఎంతవరకు ప్రయోజనం చేకూరుతుందో కూడా ప్రశ్నించుకోవాలి. ఈ ప్రశ్నలకు సమాధానం చెప్పకోలేకుంటే సచిన్ వన్డేల నుంచి తప్పు కోవాలి అని గంగూలీ నిర్మొహమాటంగా చెప్పాడు.

2015 ప్రపంచ కప్ ఆడగలనా లేదా నఅి కూడా సచిన్ ప్రశ్నించుకోవాలన్నాడు. వన్డే టోర్నీల్ని సచిన్ ఎంచుకొని ఆడడం వల్ల జట్టు లయ దెబ్బతింటోందని గుంగూలీ అభిప్రాయపడ్డాడు. సచిన్ వన్డే టోర్నీలకు వచ్చిపోవడం వల్ల జట్టులోని ప్రతి ఒక్కరి ఫామ్ పై ప్రభావం చూపపుతోంది

ఈ పద్దతిని కొనసాగించడం వల్ల రెగ్యులర్ గా వన్డేలు ఆడడానికి ఫిట్ నెస్ సాధించగలనా అని కూడా సచిన్ ప్రశ్నించుకోవాలి. ఈ ప్రశ్నలకు సమాధానం చెప్పుకోలేకుంటే అతను వన్డేలకు గుడ్ బై చెప్పి టెస్టులు మాత్రమే ఆడాలి అని గంగూలీ అన్నాడు. ఐతే రిటైర్మెంట్ పై సచిన్ తనకు తానుగానే నిర్ణయం తీసుకోవాలన్నాడు. అంతర్జాతీయ క్రికెట్ లేదా వన్డే క్రికెట్ నుంచి ఎప్పుడు తప్పుకోవాలో నిర్ణయించుకునే హక్కు సచిన్ కుంది. భారత క్రికెట్ కు సచిన్ కంటే మెరుగ్గా వేరెవరూ సేవలందించలేదు. అతణ్ని వెళ్లిపొమ్మనే సాహసం సెలెక్టర్లు చేయరనుకుంటున్నాను. అని గంగూలీ సచిన్ విమర్శలు చేశాడు.