Posted: 02/11/2012 06:09 PM IST

బాలీవుడ్ టాప్ హీరో షారుఖ్ ఖాన్. అటు బాలీవుడ్ లోను, ఇటు టాలీవుడ్ లో ఆయనకు అభిమానులు ఉన్నారు. అంతే కాకుండా ప్రపంచ క్రికెట్ అభిమానుల్లో కూడా షారుఖ్ అభిమానులు ఉండటం విశేషం. షారుఖ్ ఒక పక్క హీరోగా ఉంటూ.. క్రికెట్ అభిమానులకు కూడా దగ్గరైనాడు. అయితే ఇటీవల షారుఖ్ ఖాన్ కు ఒక చేదు అనుభవం ఎదురైందట. అదీ కూడా తన కూతురు వల్లనే అని అంటున్నారు.
షారుఖ్ హీరోగా వెండి తెర మీద విజయం సాధించినప్పటికి, ఆయనకు ఇంటిలోనే అవమానం జరగటం చాలా బాధగా ఉందని షారుఖ్ అంటున్నారు. ఇటీవల నిర్వహించిన సర్వే ఫలితాల వలన ఆయనకు ఈ అవమానం జరిగిందని తెలుస్తుంది. ఆ సర్వే షారుఖ్ కు అనుకులంగా ఉన్నప్పటికి .. ఆయన ఇంటి నుండి మాత్రం చేదు అనుభవం ఎదురైందట. హిందీ కథానాయకుడు షారుఖ్ ఖాన్ యువతకు ఆదర్శ హీరోగా ఎంపిక చేయటం జరిగిందట. ఆ విషయం తెలిసిన షారుఖ్ ఆయన అభిమానులు ఎంతో ఆనందంగా ఉందని చెప్పారట. కానీ షారుఖ్ కూతురు సుహానా ఇందుకు విరుద్దంగా ఉందని తెలిసింది.

షారుఖ్ ఖాన్ యువత ఆదర్శంగా తీసుకోవటం ఆ పాపకు నచ్చలేదట. ఆ విషయన్ని షారుఖ్ ఖాన్ స్వయంగా అన్నదని తెలుస్తుంది. అంతే కాకుండా అసలు నీవు ఎలా ఆదర్శమవుతావు డాడీ? అని నిలదీసిందట. ఆ పాప మాటలకు షారుఖ్ ఒక్కసారిగా షాక్ తిన్నాడట. షారుఖ్ కూతురు ఆటమ్ బాంబు లాంటి ప్రశ్న వేయటంతో షారుఖ్ కు దిమ్మదిరిగిందని బాలీవుడ్ వర్గాలు అంటున్నాయి.

అసలు అలా ఎందుకు అన్నావు అని షారుఖ్ తర్వత అడిగితే.. ? అవును డాడీ.. నీవు సిగరెట్లు కాలుస్తుంటావు కాదా.. మరి అలాంటప్పుడు నువ్వు ఎలా ఆదర్శమవుతావు? ఆదర్శమంటే .. మనం పాటించి ఎదుటి వారిని పాటించమనటం ఆదర్శం అవుతుంది. అలాంటి నీవే ధూమపానం చేస్తు ..యువతకు ఎలా ఆదర్శ హీరోగా ఉండావు అని సుహాన అడిగి ప్రశ్నలకు షారుఖ్ ఒక్కసారిగా ఆలోచనలో పడ్డాడని తెలుస్తుంది. యువత ఎప్పుడు ధూమపానానికి దూరం ఉండాలి అని సుహానా చెప్పిందని షారుఖ్ ఖాన్ అభిమానులు అంటున్నారు.