Posted: 02/08/2012 05:25 PM IST

తెలుగు చిత్ర సీమలో మరో భారీ సినిమా సెట్స్ పైకి వెళ్లింది. మెగా పవర్ స్టార్ రామ్ చరణ్ తేజ్, వివి వినాయక డైరెక్షన్లో తెరకెక్కనున్న కొత్త చిత్ర షూటింగ్ ఇవాళే ప్రారంభమైంది. ఫిల్మ్ నగర్ వర్గాల సమాచారం ఈ చిత్ర షూటింగ్ ఏకబిగిన జరపాలని నిర్ణయించినట్టు తెలుస్తోంది. పూర్తి స్థాయి కమర్షియల్ ఎంటర్టైనర్ గా తెరకెక్కబోతోన్న ఈ సినిమాను వినాయక్ చాలా ప్రతిష్టాత్మకంగా తీసుకున్నట్టు వినికిడి. రామ్ చరణ్ సరసన కాజల్ అగర్వాల్ హీరొయిన్ గా నటిస్తోంది. ఈ మూవీలో రామ్ చరణ్ ద్విపాత్రాభినయం చేయనున్నట్లు సమాచారం. యూనివర్శల్ మీడియా బ్యానర్ పై వస్తోన్న ఈ సినిమాకు డివివి దానయ్య నిర్మాత.

అయితే రామ్ చరణ్ ఈ మధ్యన గబగబా సినిమాలు చేస్తున్నాడు. సంపత్ నంది దర్శకత్వంలో ‘రచ్చ’ షూటింగ్ పూర్తి కాకముందే వంశీ పైడిపల్లి దర్శకత్వంలో ‘యవడు’ సినిమా షూటింగ్ మొదలు పెట్టాడు. ఇప్పుడు ప్రముఖ డైరెక్టర్ వివి వినాయక్ దర్శకత్వంలో సినిమా చేస్తున్నాడు. మరి చెర్రీ ‘ఆరెంజ్’ తరువాత చేసిన ‘మెరుపు’ సినిమా మధ్యలో ఆగిపోవడంతో అప్పడి నుండి ఏమీ రిలీజ్ కాలేదు. ఒక ప్రక్క బాబాయ్ వరుస సినిమాలతో దూసుకుపోతుంటే తాను కూడా దూసుకుపోవాలనే ఉద్దేశ్యంతో గబగబా సినిమాలు చేస్తున్నాడని ఫిలింనగర్ లో వార్తలు.

అంతే కాకుండా మహేష్, జూనియర్ ఎన్టీఆర్ లాంటి వాళ్ళు సినిమాల మీద సినిమాలు చేస్తూ పోతున్నారు. వారికి ధీటుగా సినిమాలు చేయాలనే ఉద్దేశ్యంతో సినిమాలు ఒప్పుకుంటున్నాడని అంటున్నారు. మరి చెర్రీ కూడా మహేష్ లాగా చాలా గ్యాప్ తీసుకొని సినిమాలు వరుసగా చేస్తున్నాడు కాబట్టి తర్వాత రోజుల్లో చరణ్ కూడా మహేష్ లాగా దూసుపోవడం ఖాయం అని మెగా అభిమానులు అంటున్నారు.