Posted: 01/11/2012 01:27 PM IST

అక్కడ ఎక్కువ శాతం దళితులు కలిగిన ప్రాంతం.  ఆ ప్రాంతంలో ఓ పోస్టాఫీసు ఉద్యోగి కూతురుగా పుట్టి  ఇప్పుడు దేశంలోనే అత్యంత ధనిక ముఖ్యమంత్రి అయిన ఒక దళిత మహిళ! ప్రభుత్వ పాఠశాలలో చదువుకొంటూ పేదరికాన్ని అనుభవించిన ఆమె ప్రస్తుతం కోట్లాది మందికి ఆరాధ్యురాలు. అభిమానులు 'బెహన్ జీ' అని పిలుచుకునే ఉత్తరప్రదేశ్ సీఎం మాయావతి ప్రస్థానమిది. దేశంలో అధిక ఆస్తులు కలిగిన 10మంది ముఖ్యమంత్రుల్లో మాయావతి తొలి స్థానంలో నిలిచారు. మాయావతి బతికుండాగానే తన విగ్రహాలను ప్రతిష్టాపించి చర్రిత ఎక్కిన తొలి మహిళగా గుర్తుపు తెచ్చుకుంది. అంతేకాకుండా ఆమె తన పార్టీ గుర్తును  కూడా  అనేక ప్రదేశాలలో విగ్రహాలను పెట్టిన సీఎంగా పేరు తెచ్చుకుంది. ఇప్పుడు ఎన్నికలు జరుగుతున్న సమయంలో మాయావతి పెట్టిన విగ్రహాలను.. ఒక కవర్ తో ముసివేయటానికి  ప్రభుత్వానికి అయిన ఖర్చు కోటిరూపాయలు.
యూపీ అసెంబ్లీ ఎన్నికల నేపథ్యంలో ఎలక్షన్ కమిషన్‌కు ఆమె సమర్పించిన అఫిడవిట్‌తోనే ఈవిషయం స్పష్టమవుతోంది. అందులో మాయావతి ప్రకటించిన ఆస్తుల విలువ రూ.87.27 కోట్లు. అందులో అధిక భాగం తన అభిమానులు ఇచ్చిందేనని ఆమె పేర్కొన్నారు.  మాయాకు ఢిల్లీలోనే అధిక ఆస్తులు ఉన్నాయి. దక్షిణ ఢిల్లీలో ఓ వాణిజ్య సముదాయం, రాజధానిలోని ఖరీదైన ప్రాంతమైన సర్ధార్ పటేల్ మార్గ్‌లో రూ.54 కోట్ల విలువైన స్థలాలు, రూ.90లక్షల విలువైన బంగారు నగలు ఉన్నాయి.