Posted: 01/10/2012 03:27 PM IST

పవన్ కళ్యాణ్ ఈ మధ్య కాలంలో వరుస సినిమాలతో బిజీగా ఉన్నాడు. ఒక సినిమా పూర్తి కాకముందే మరో సినిమాకి సైన్ చేస్తున్నాడు. తాజాగా హరీష్ శంకర్ దర్శకత్వంలో హిందీ సినిమా దబాంగ్ ని తెలుగులో ‘గబ్బర్ సింగ్’ పేరుతో రీమేక్ చేస్తున్నారు. అయితే ఈ సినిమాలో ఐటెం సాంగ్ కొరకు నటించే నటి కోసం గత కొన్ని రోజుల నుండి అన్వేషణ జరుగుతుంది. ఈ సినిమాలో ఉన్న మున్నా బద్నామ్ పాటలో మొదటి త్రిష, తరువాత ఇలియానా, కొన్ని రోజుల తరువాత బిపాసా బసు నటిస్తుందని వార్తలు వచ్చాయి. అయితే వీరిలో ఎవరూ ఇంత వరకు కన్ ఫార్మ్ కాలేదు.

తాజా ఈ ఐటెం సాంగ్ లిస్టులోకి ప్రభుదేవా లవర్ వచ్చి చేరింది. అంటే నయనతార అన్నమాట. ఈ మధ్య వచ్చిన ‘శ్రీరామ రాజ్యం’ సినిమాలో సీతగా నటించిన నయన తారను ఈ పాటలో నటింప జేయాలనే ఆలోచనకు వచ్చినట్లు తెలుస్తుంది. ఈ ఆలోచన కూడా పవన్ కళ్యాణ్ కే వచ్చినట్లు ఫిలింనగర్ లో అనుకుంటున్నారు. ఎంతో కాలంగా నయనతారతో పవన్ కళ్యాణ్ నటించాలనుకుంటున్నాడని, అందుకే ఈ సినిమాలో ఈ పాటకు నయన తార అయితే బాగుంటుందని అనుకునే ఈ ప్రపోజల్ ని దర్శకుడి ముందు ఉంచాడని సమాచారం.
డైరెక్టర్ హరీష్ శంకర్ కూడా పవన్ కళ్యాణ్ మాట కాదనలేక ఈ మధ్యన శ్రీరామ రాజ్యం 50 రోజుల పండుగ కోసం హైదరాబాద్ వచ్చిన నయన తారను హరీష్ శంకర్ కలిసి ఈ పాటలో నటించమని అడిగాడని సమాచారం. అందుకు నయనతార ఒప్పుకోలేదని అంటున్నారు. మరి పవన్ నయన పై ఆశ పడ్డాడు కాబట్టి డైరెక్టర్ ఎలాగైనా నయనను ఒప్పించే ప్రయత్నాల్లో ఉన్నాడని సమాచాం. మరి పవన్ కోరిక తీరుతుందో లేదో చూడాలి.