Posted: 12/23/2011 02:56 PM IST

కోలీవుడ్ తో పాటు, టాలీవుడ్ లో విలక్షణ నటుడిగా పేరు తెచ్చకున్న నటుడు విక్రమ్. సాధారణంగా సినిమా హీరోలు ఒక లెవల్ గా ఫీల్ అవుతారు. ముఖ్యంగా మన టాలీవుడ్ స్టార్లు. అయితే ఇందుకు భిన్నంగా విక్రమ్ ఓ విషయంలో సాధారణ వ్యక్తిగా, మంచితనం ఉన్న వ్యక్తిగా ప్రవర్తించాడు.

సౌత్‌ కత్రినాగా పేరుతెచ్చుకున్న దీక్షాసేథ్‌  కోలీవుడ్ లో దూసుకు పోతున్నది. ఈమె తెలుగులో పెద్దగా పేరు తెచ్చుకోక పోయినా కోలీవుడ్ లో మంచి పేరు సంపాదించుకుంది. వీరిద్దరు కలిసి ‘వీడింతె’ సినిమాలో నటిస్తున్నారు. దీని షూటింగ్ ఇటలీలో కొంత భాగం ఇటలీలో జరుపుకుంది. అక్కడ ఓ సంఘటన జరిగింది.  అక్కడ ఒకానొక సన్నివేశంలో మంచులో నటించాల్సి వచ్చిందట దీక్షాసేత్. అయితే కాలికి చెప్పులు వేసుకోకపోవడంతో కాళ్లు మొద్దుబారిపోయి వెంటనే షూటింగ్‌ గ్యాప్‌లో కాళ్లు రుద్దుకుంటూ బాధపడుతూ ఉందట. అయితే దీక్షాసేత్ ని  చూసి చలించిపోయిన హీరో విక్రమ్‌ వెంటనే దీక్షాసేథ్‌ కాలిచెప్పులు తీసుకుని ఆమెకు ఇచ్చి వేసుకోమని చెప్పాడట. అయితే దీని పై దీక్ష సేత్... అంత పెద్ద నటుడు తన కాలి చెప్పులు పట్టుకుని స్వయంగా రావడం అతని సంస్కారానికి నిదర్శనమని ఆయన తన సహచర నటులతో ఎంతగా సహకరిస్తారో ఈ సంఘటన రుజువు చేస్తోందంటోంది.

కానీ సినీజనాలు మాత్రం హీరోయిన్ పడేయటం కోసం హీరోలు ఏ పనైనా చేస్తారని అంటున్నారు. విక్రమ్ మంచి మనసుతో చేసినా కానీ... జనాలు మాత్రం హీరో అయి ఉండి హీరోయిన్ చెప్పులు మోస్తున్నాడంటూ కామెంట్లు చేస్తున్నారు. అయినా పిచ్చి దీక్షాసేథ్ కానీ... అక్కడి విషయాలు ఇంత బాహాటంగా చెప్పటం అవసరమా?  ఈమె వల్ల నా పరువు పోయిందని విక్రమ్ తెగ బాధపడుతున్నాడట.