Posted: 12/21/2011 04:20 PM IST

తెలుగులో ఢీ, రెఢీ వంటి హిట్ చిత్రాలు తీసి మంచి దర్శకుడిగానే కాకుండా మంచి కామెడీ డైరెక్టర్ గా పేరుతెచ్చుకున్న డైరెక్టర్ శ్రీనువైట్ల. ఇతడు ఫ్లాపులతో సతమతమౌవుతున్న మహేష్ బాబుతో ఈ మధ్య కాలంలో ‘దూకుడు’ సినిమా తీసి ఇటు ప్రేక్షకులకు, అటు మహేష్ బాబుకు కొత్త ఉత్సాహాన్ని నింపాడు. ‘దూకుడు’ సినిమా ఎంత పెద్ద హిట్టు అయిందో మనందరికి తెలిసిందే.
తనకు ఇంత పెద్ద హిట్ ఇచ్చిన దర్శకుడు శ్రీను వైట్లని మహేష్ ఆకాశానికెత్తేస్తున్నాడు. నాకు చాలా కాలం నుండి హిట్ సినిమాలు లేవని, ఈ సినిమాతో మళ్ళీ నాకు ఎనర్జీని ప్రసాదించాడని ఇలా చాలానే పొగిడాడు. అయితే తాజాగా మహేస్ మరోసారి శ్రీను వైట్లపై ప్రశంసల జల్లు కురిపించాడు.

మూడేళ్ళ క్రితం వరకు మహేష్ బాబు చాలా వీక్, వినోదం పండించలేడని చాలా మంది అనేవారని, తను కామెడీ పండించలేడన్న అభిప్రాయాన్ని ‘దూకుడు’ పోగొట్టేసిందని, దీనికి కారణం శ్రీను వైట్లనే అని, నా టాలెంట్ ని వెతికి మరీ వెలికితీశాడని అంటున్నాడు.
అయితే శ్రీను వైట్ల మహేస్ బాబు టాలెంట్ నే వెలికి తీశాడో లేక ఇంకేమైనా వెలికి తీశాడో వాళ్ళిద్దరికే తెలియాలని అని ఫిలింనగర్ వారు అనుకుంటున్నారు.