Posted: 12/15/2011 05:53 PM IST

ఏనుగులు డబ్బులు తింటున్నాయని రాహుల్ గాంధీ ఏం తెలుసు? ఆయన అడవిలోకెళ్ళి చూశాడా ? ఎక్కడైనా తింటుంటే చూసి అన్నాడా? అసలు ఏనుగులు డబ్బులు ఎలా తింటాయి? రాహుల్ గాంధీ అన్నది కరెక్టే. కానీ నిజమైన ఏనుగులు కాదు డబ్బులు తినేది. ఉత్తప్రదేశ్ ముఖ్యమంత్రిగా ఉన్న మయావతి పార్టీ గుర్తు ఏనుగు. ఆమెను ఉద్దేశించి ఉత్తరప్రదేశ్‌ పర్యటనలో ఉన్న కాంగ్రెస్‌ పార్టీ ప్రధాన కార్యదర్శి రాహుల్‌గాంధీ ఏనుగు డబ్బు తింటోంది అని  మాయావతి ప్రభుత్వం పై విమర్శలు చేశారు.

ఉత్తరప్రదేశ్‌లో కేంద్ర నిధుల దోపిడీ జరుగుతోందని చెబుతూ రాహుల్‌గాంధీ -‘ప్రతి రూపాయిలో 15 పైసలు మాత్రమే ప్రజలకు చేరుతోందని రాజీవ్‌గాంధీ అనేవారు. కానీ ఉత్తరప్రదేశ్‌లో ఒక్క పైసా కూడా ప్రజలకు దక్కడం లేదు’ అన్నారు. ఈ నష్టం కేంద్రానిదో, రాష్ట్ర ప్రభుత్వానిదో కాదు, ప్రజలది. ఇందువల్ల యూపీ భవిష్యత్తు దెబ్బతింటుంది. లక్నోలో ఏనుగు డబ్బు తింటోంది’  కాబట్టే మీకు ఈ పరిస్థితి వచ్చింది. ఉత్తరప్రదేశ్‌లో అధికారం మారాలని, పేదల ప్రభుత్వం రావాలని, కాంగ్రెస్‌ పార్టీ మాత్రమే ఆ మార్పు తీసుకొచ్చి రాష్ట్ర భవిష్యత్తును మారుస్తుందని రాహుల్‌గాంధీ చెప్పారు.

రాహుల్ మాయావతిని ఉద్ధేశించి మాట్లాడటం బాగానే ఉన్నా ప్రస్తుతం యూపీలో ఉన్న అవినీతి గురించి, ఇప్పుడు స్కాంలో ఇరుక్కున్న వారికి గురించి ఎందుకు మాట్లాడటం లేదని అంటున్నారు. యూపీలో ఏనుగు మాత్రమే డబ్బులు తింటుంది....యూపీఏ లో ఉన్న వారు మాత్రం బకాసూరుల కంటే ఎక్కువ డబ్బులు తింటున్నారని అక్కడి ప్రజలు అనుకుంటున్నారు.