Posted: 12/15/2011 05:40 PM IST

డబ్బులు అంటే అందరికి ఆశ ఉంటుంది.. హీరోయిన్లకైతే మరీనూ. కానీ అందరికి భిన్నంగా హన్సికకి మాత్రం డబ్బుపైన ఆశ లేదట. అదేంటి ఈమె చేసే సినిమాలు ఫ్రీగా చేస్తుందనుకొని, కాస్తో కూస్తో రెమ్యునరేషన్ తీసుకుంటే అది కూడా  ఏ అనాథ శరణాలయానికో ఇస్తుందనుకుంటే మాత్రం తప్పులో కాలేసినట్లే.

ఈమెకి డబ్బుల పై ఆశ ఉందట కానీ, సినిమాలలో ఐటెం సాంగ్ లు చేసి, తన అందాలను ఆరబోసి డబ్బులు సంపాదించడం మాత్రమే ఇష్టం లేదట. ఈ అమ్మడిని తమిళంలో విక్రమ్ హీరోగా రూపొందుతున్న సినిమాలో ఓ ఐటెం సాంగ్ లో నటించమని అడిగారట. ఈమె అందాలకు ఆ నిర్మాతలు ఎంత ఇస్తానన్నారో తెలుసా.... అక్షరాల 50 లక్షలు ఇస్తానని కూడా అడిగారట. ఇందుకు ఆమె ఒప్పుకోలేదట. ఎందుకు అని అడిగితే ‘‘నాకు డబ్బుల పై ఆశ లేదని’’ చెప్పింది.

మరి ఈవిడ ’బిల్లా‘ సినిమాలో ఐటెం గర్ల్ గా నటించింది కదా అని మీకు సందేహం రావచ్చు. దానికి ఈ అమ్మడు చెప్పిన సమాధానం ఏంటో తెలుసా.... ఆ సినిమా దర్శకుడు ’మెహర్ రమేష్’ ఈమెను ఓ చెల్లిలాగా చూసుకుంటాడు. ఆ అన్నయ్య అడిగితే ఈ అమ్మడు అందులో చేసిందట. అప్పుడే అనుకుందట మళ్ళీ ఐటెం సాంగ్ చేయనని.

ఏదో అవకాశాలు ఉన్నాయి కాబట్టి ఇలా మాట్లాడుతుందని, ఒకప్పుడు టాప్ రేంజ్ లో ఉన్న శ్రీయ, ఆసిన్ లాంటి వారు ఇప్పడు అవకాశాలు లేక  ఐటెం సాంగులు చేయడం లేదా ? ఈ అమ్మడు కూడా అవకాశాలు లేకపోతే ఐటెం సాంగులు చేయక ఏం చేస్తుందని సినీ జనాలు అనుకుంటున్నారు.