Posted: 12/13/2011 09:55 AM IST

మగధీరుడి నిశ్చితార్థం అంగరంగా వైభంగా జరిగిన విషయం తెలిసిందే. ఇక మిగిలింది పెళ్ళే. మరి మగధీరుడి పెళ్ళి వేడుక ఎక్కడ జరగబోతుంది. దీనిపై గతంలో విభిన్న కథనాలు వచ్చాయి. ఢిల్లీలో అని, దోమకొండ కోటలో అని రకరకాలుగా చెప్పుకున్నారు. దీని పై అభిమానుల్లో ఉత్కంఠ నెలకొంది. దీని పై రామ్ చరణ్ స్పందించాడు.
తిరుపతి సమీపంలోని రాయలచెరువులో నాలుగు రోజులుగా 'రచ్చ' సినిమా షూటింగ్ జరుగుతోంది. ఈ సందర్భంగానే రామ్ చరణ్ యూనిట్ సభ్యులందరితో కలసి స్వామివారి దర్శనానికి వచ్చారు.. రామ్‌చరణ్‌తోపాటు నటి తమన్నా కూడా వెంకేటశ్వరుడిని దర్శించుకున్నారు.
ఈ సందర్భంగా రామ్ చరణ్ మాట్లాడుతూ... ఉపాసనతో తన వివాహం వచ్చే ఏడాది హైదరాబాదులో జరుగుతుందని, రిసెప్షన్ మాత్రం తిరుపతిలో ఉంటుందని యువ హీరో, 'చిరు' తనయుడు రామ్‌చరణ్ తెలిపారు. పెళ్లితేదీని తన తండ్రి చిరంజీవి ప్రకటిస్తారని చెప్పారు. హైదరాబాదులో వివాహానికి ప్రముఖులకు మాత్రమే అనుమతి ఉంటుందని.. రిసెప్షన్‌కు మాత్రం భారీ ఏర్పాట్లతో అందరికీ ఆతిథ్యమిస్తామన్నారు.
అయితే చరణ్ రిసెప్షన్ తిరుపతిలోనే ఎందుకు జరుపుతున్నారంటే... తను పార్టీ పెట్టి మొదటి సారి ఎన్నికల్లో పోటీ చేసింది అక్కడి నుండే. ఆ ఏడు కొండలవాడి దయతో గెలిచాడు. తన అత్తగారి ఊరు పాలకొల్లు నుండి పోటీ చేసినా అక్కడ ఓడిపోయాడు. కానీ తిరుపతి ప్రజలుఆయన్ని గెలిలించారు. అందుకు ప్రతిఫలంగా కొడుకు వివాహం హైదరాబాద్ లో రిసెప్షన్ తిరుపతిలో ఏర్పాటు చేస్తున్నాడని అనుకుంటున్నారు.