Posted: 12/13/2011 09:51 AM IST

వైయస్సార్ కాంగ్రెస్ పార్టీ సభ్యురాలు, సినీ నటి రోజాకి, కాంగ్రెస్ లో పార్టీని విలీనం చేసిన పీఆర్పీ పార్టీకి చెందిన వంగ గీతాకి మధ్య మాటల యుద్ధం కొనసాగుతుంది. రోజా చిన్న చిరంజీవి మీద తీవ్రమైన వ్యాఖ్యలు చేసిన విషయం తెలిసిందే. దానికి పీఆర్పీ పార్టీ ఎమ్మెల్యే వంగా గీతా తీవ్ర స్థాయిలో జవాబు చెప్పారు.
పీఆర్పీని కాంగ్రెస్ లో విలీనం చేయాలంటూ శోభానాగిరెడ్డి ద్వారా వైయస్సార్ రాయభారం నడిపినప్పుడు ఈ బిక్షాటన గుర్తులేదా ? ఆనాడు కేంద్రంలో మంత్రి పదవులు ఇస్తానంటూ మీరు మా ఆఫీసు ముందు భిక్షాటన చేసినప్పుడు ఈ మాటలు గుర్తుకు రాలేదా ? మాజీ ముఖ్యమంత్రి వైయస్సార్ పార్ధివ దేహం హైదరాబాద్ కి రాకముందే.. జగన్ ని సీఎం చేయాలంటూ చేసేందుకు చిరంజీవి సహకారం కోరినప్పుడు ఈ మాటలు గుర్తుకు రాలేదా ? అసలు రోజా వెళ్ళి వైయస్సార్ ని కలవకుంటే ఆయన హెలికాప్టర్ ప్రమాదంలో చనిపోయేవాడే కాదని, ఈమె వెళ్ళిన తరువాతనే ఆ సంఘటన జరిగిందని, వైయస్సార్ ప్రాణాలు తీసింది రోజానే అని తీవ్ర స్థాయిలో మండిపడ్డారు.  ఒక కేసు విషయంలో శిక్షపడే సమయంలో తనకు మతిస్థిమితం లేదని అంగీకరించిందని, రోజాను పిచ్చాసుపత్రిలో వైద్యం చేసుకోవాలంటూ అదేశించారు ? అలాంటి రోజా చిరంజీవిని విమర్శిస్తుందా ? రోజాని నోరు అదుపులో పెట్టుకొని మాట్లాడాలని వంగా గీతా హెచ్చరించారు.
ఆమధ్యన నన్నపనేని రాజకుమారికి, గంగా భవానికి మధ్య జరిగిన మాటల యుద్ధం తీవ్రస్థాయికి వెళ్ళింది. మరి వీళ్ళిద్దరి మాటల యుద్ధం ఎంత వరకు వెళ్తుందో చూడాలి.