Posted: 12/06/2011 03:23 PM IST

రాష్ట్రముఖ్యమంత్రి కిరణ్ కుమార్ రెడ్డి రెడ్డి విషయంలో ఆంధ్రవిశేష్ ఇది వరకు రాసిన కథనం నిజం అయ్యింది. ఇది వరకే ఆంధ్ర విశేష్ లో సీఎం కిరణ్ కుమార్ రెడ్డి సోదరులు ఆంధ్రాలో పవర్ సెంటర్ గా తయారయ్యారని ఓ కథనం వ్రాసిన విషయం తెలిసిందే. అదే మాట నిన్న అసెంబ్లీలో చంద్రబాబు నాయుడు కూడా అన్నారు. సీఎం సోదరులు అధికారంలో లేకున్నా చక్రం తిప్పుతున్నారని, అక్రమ వసూళ్ళు చేస్తున్నారని అసెంబ్లీ సాక్షిగా చెప్పారు. దీని పై పెద్ద రసాబాసే జరిగింది.

అయితే తాజాగా కిరణ్ కుమార్ రెడ్డి సోదరుల పై టీడీపీ హైకోర్టులో కేసువేయాలని భావిస్తున్నట్లు తెలుస్తుంది. అయితే చంద్రబాబు ఈ ఆరోపణలు చేయడానికి పక్కా ప్రణాళికే ఉందంటున్నారు. కిరణ్ ని ఆత్మ రక్షణలో పడేయాలనే ఉద్ధేశ్యంతో  ఈ వ్యాఖ్యలు చేసినట్లు అనుకుంటున్నారు. ఇప్పడు సీఎంను మరింత ఇరుకున పెట్టడానికి సోదరుల పై అక్రమ కేసులు వేయాలనే ప్లాన్ లో ఉన్నట్లు తెలుస్తుంది.
అదే కాకుండా కిరణ్ కుటుంబ సభ్యుల అధికార దుర్వినియోగ సమాచారాన్ని బలమైన సాక్ష్యాలతో సహా సేకరించినట్లు తెలుస్తుంది. దీని పై మరో రెండు రోజుల్లో హైకోర్టుకు వెళ్ళ అవకాశం కూడా ఉందని అనుకుంటున్నారు. బలమైన కారణాలు ఉన్నాయి కనుక సీఎం కిరణ్ కుమార్ రెడ్డి సోదరులకు చేదు అనుభవం తప్పదని, ఆలస్యం చేస్తే మళ్ళీ ఇలాంటి సమయం రాదని బావించిన చంద్రబాబు మరో రెండు రోజుల్లో పిటీషన్ వేయడానికి గ్రీన్ సిగ్నల్ ఇచ్చినట్లు తెలుస్తుంది.

మరి కిరణ్ కుమార్ రెడ్డి కుటుంబానికి, సోదరులకు కష్టాలు తప్పేట్లు లేవని అనుకుంటున్నారు.