Posted: 11/29/2011 01:04 PM IST

అక్రమ గనుల వ్యవహారంలో చిక్కుకొని జైలు పాలయ్యి ఊచలు లెక్కబెడుతున్న బీజేపీ పార్టీ నుండి గెంటివేయబడిన  గాలి జనార్థన్ రెడ్డి కొత్త పార్టీ పెట్టబోతున్నాడనే వార్తలు కర్ణాటకలో షికార్లు చేస్తున్నాయి. అయితే దీనికి సంబంధించిన కార్యచరణను సిద్ధం చేస్తున్నట్లు బీజేపీ తిరుగుబాటు నాయకుడు, మాజీ మంత్రి శ్రీరాములు అన్నారు. శ్రీరాములు గాలి జనార్థన్ రెడ్డికి అత్యంత సన్నిహితుడైన విషయం అందరికీ తెలిసిందే.

అయితే బీజేపీ పార్టీ వ్యతిరేక కార్యకలాపాలకు పాల్పడ్డారన్న ఆరోపణల పై ఇద్దరు ఎంపీలతో సహా ఆరుగురు ఎమ్మెల్యేలని పార్టీ నుండి బహిష్కరించిన విషయం తెలిసిందే. అయితే పార్టీనుండి బహిష్కరించిన మూడు రోజులకే ఈ ప్రకటన రావడంతో ఆశ్చర్యానికి గురయ్యారు.
గాలి జనార్థన్ రెడ్డికి సన్నిహితుడిగా ఉంటూ, అతని కార్యకలాపాలు చూసుకునే శ్రీరాములు స్థానికంగా నిర్వహించిన బహింగ సమావేశంలో రాష్ట్రంలో ఓ కొత్త పార్టీ పెట్టబోతున్నట్లు ప్రకటించాడు. ఈ కొత్త పార్టీలోకి బిజేపీకి చెందిన ఎమ్మెల్యేలు చేరుతారని, గాలి జనార్థన్ రెడ్డి జైలు నుండి విడుదలైన తరువాత పార్టీ విధి విధానలు ప్రకటిస్తామని అన్నారు.

గాలి జనార్థన్ రెడ్డి అవినీతితో అక్రమంగా సంపాదించి జైలులో ఊచలు లెక్కడుతున్న ఈయన ఇంకా కళ్ళు తెరవలేదేని, దేశంలో అవినీతి మంతులు అడ్డగోలుగా సంపాదించి ఇలా పార్టీలు పెడుతున్నారని అంటున్నారు. ఇది వరకే ఆంధ్రప్రదేశ్ లో ఓ పార్టీ  ఆవిర్భవించింది. ఆంధ్రప్రదేశ్ లోగా కర్ణాటకలో అక్రమంగా గనులు తవ్వి సంపాదించిన డబ్బుతో పార్టీ ఆవిష్కరించబోతున్నారని అనుకుంటున్నారు. వీరి పై సీబీఐ దర్యాప్తు జరిపినా, జైలు కెళ్ళినా ఇంకా కళ్ళుతెరవ లేదని అంటున్నారు జనాలు.