Posted: 11/25/2011 03:47 PM IST

మావోయిస్టుల అగ్రనేత మల్లోజుల కిషన్ జీ నిన్న ఎన్ కౌంటర్ లో మరణించిన విషయం తెలిసిందే. అయితే ఇతను నక్సలిజంలో చేరకముందు ఏ పార్టీ ? ఏ పార్టీలో ఉండేవాడు?

విద్యార్థి దశ నుండే అభ్యుదయ భావాలు, సేవా భావంతో ముందుకు సాగేవారు. చదువులోనూ చురుకుగా ఉండేవాడని సన్నిహితులు తెలిపారు. విద్యార్ధి దశలో తొలుత కొద్దిరోజులు రాష్ట్రీయ స్వయం సేవక్ సంఘ్ వైపు ఆకర్షితుడైన కిషన్ జీ ప్రగతిశీల విద్యార్థి సంఘంలో సభ్యుడిగా విప్లవోద్యమం వైపు అడుగులు వేశాడు. 1969లో తెలంగాణ ఉద్యమంలో పాల్గొని జైలు శిక్ష అనుభవించాడు.

పెద్దపెల్లిలో కూలీ రేట్ల కోసం నిర్వహించిన ఉద్యమంతో తెరపైకి వచ్చారు. పోలీసుల గాలింపు పెరగడంతో 1976 తర్వాత అజ్జాతంలోకి వెళ్ళాడు. తరువాత 1978లో రెండోసారి అరెస్టు అయ్యారు. పెద్దపెల్లిలో ఉన్నప్పుడు కిషన్ జీ కాంగ్రెస్ పార్టీ పెద్దపల్లి పట్టణ ఉపాధ్యక్షులుగా కొంత కాలం పని చేశారు.

అయితే అన్ని పాపాలకు కాంగ్రెస్సే కారణం అని తరుచూ అంటూ ఉంటారు. మొదట చంద్రబాబు కాంగ్రెస్ నుండే టీడీపీకి వచ్చాడు, మొన్నటికి మొన్న పార్టీ పెట్టి ప్రజలకు సేవ చేస్తాడనుకున్న చిరు కూడా కాంగ్రెస్ బాటే పట్టి కాంగ్రెస్ నాయకుడు అయ్యాడు. కాంగ్రెస్ నుండి బయటికి వచ్చి వేరు కుంపటి పెట్టుకున్న జగన్ కూడా కాంగ్రెస్ వాడే. చివరికి పోలీసుల చేతిలో హతమైన కిషన్ జీ కూడా కాంగ్రెస్ వాడు కావడం విశేషమేనని అందరు అనుకుంటున్నారు.