Posted: 11/18/2011 06:40 PM IST

మహేష్ పూరి జగన్నాథ్ కాంబినేషన్ లో ఆర్.ఆర్. మూవీ మేకర్స్ వెంకట్ నిర్మిస్తున్న ’బిజినెస్ మ్యాన్’ షూటింగ్ ముంబయ్ లో శరవేగంగా జరుపుకుంటోంది. అయితే దూకుడు షూటింగ్ సమయంలోనే ’పూరీ‘కి కమీట్ అయిన మహేష్ దూకుడు హిట్ తో మరింత దూసుకు పోతున్నాడు.. పూరి జగన్నాథ్ కూడా సంక్రాంతికి  ఈ చిత్రాన్ని ప్రేక్షకుల ముందుకు తీసుకురావడానికి ప్రయత్నాలు చేస్తున్నాడు. ఈ సినిమా షూటింగ్ మహేష్ కెరీర్ లోనే చాలా వేగంగా షూటింగ్ జరుపుకుంటుంది.

అయితే ఈ చిత్రాన్ని హిందీలో కూడా పూరి చేయడానికి బాలీవుడ్ హీరో అభిషేక్ బచ్చన్ ని కూడా ఎంపిక చేసిన విషయం తెలిసిందే. ఈ హిందీ వెర్షన్ దీని తర్వాత షూటింగ్ జరుపుకుంటుందని కూడా తెలిసిన విషయమే. అయితే తాజాగా అందుతున్న సమాచారం ఏంటంటే...
ఈ సినిమా నుండి అభిషేక్ బచ్చన్ తప్పుకున్నాడని వార్తలు వినిపిస్తున్నాయి. దానికి కారణం ఏంటంటే అభి కాల్షీట్లు అడ్జెస్ట్ కాకపోవడమేకారణం అని, దాంతో తెలుగులో మంచి దూకుడు మీద ఉన్న మహేష్ తోనే ఈ సినిమా చేయాలని డిసైడ్ అయినట్లు సమాచారం.

తెలుగు వెర్షన్ కంప్లీట్ అయిన తరువాత హిందీ వెర్షన్కి సంబంధించిన స్ర్కిప్ట్ వర్క్ స్టార్ట్ అవుతుందని సమాచారం. బిజినెస్ మెన్ తర్వాత మహేష్ – వెంకటేష్ కాంభినేషన్ లో సినిమా, దాని తరువాత సుకుమార్ దర్శకత్వంలో సినిమా ఉంటుంది. కాబట్టి ఈ రెండు సినిమాల తరువాత హిందీ బిజినెస్ మెన్ స్టార్ట్ అవుతుందని సమాచారం.

ఏది ఏమైనా హిందీ వెర్షన్ నుండి అభి తప్పు కోవడం పలు అనుమానాలు బాలీవుడ్ లో వ్యక్తం అవుతున్నాయి.