‘ఇందువదన’తో ప్రేక్షకుల ముందుకు వచ్చిన వరుణ్ సందేశ్

Posted: 12/31/2021 06:51 PM IST

Varun sandesh second innings induvadana release on new year

యువహీరో వ‌రుణ్ సందేశ్‌.. అగ్రరాజ్యంలో తన వ్యాపారాలతో బిజీగా మారడంతో మారాడు. బిగ్‌బాస్ సీజ‌న్ 3లో.. త‌న భార్య వితిక‌తో క‌లిసి పాల్గోన్న తరువాత ఆయనకు క్రేజ్ వచ్చినా.. వ్యాపారపరంగా స్థిరపడాలని మళ్లీ అమెరికాకు పయనమయ్యాడు. అయితే సినిమాలలో పెద్ద‌గా ఆపర్లు రాకపోవడం కూడా ఇందుకు కారణమేనని చిత్రపురి టాక్. కాగా, చాలా రోజులకు వ‌రుణ్ సందేశ్ న‌టించిన సినిమా ప్రేక్ష‌కుల ముందుకొస్తుంది. పీరియాడిక్ బ్యాక్ డ్రాప్‌తో వ‌స్తున్న‌ ఇందువ‌ద‌న సినిమాతో వ‌రుణ్ చాలా ఏళ్ల తరువాత టాలీవుడ్ కు రీఎంట్రీ ఇస్తున్నాడు.

ఈ సినిమాలో ఫ‌ర్నాజ్‌శెట్టి క‌థానాయిక‌. శ్రీ బాలాజీ పిక్చర్స్ బ్యానర్‌పై ఎం శ్రీనివాస రాజు (ఎంఎస్ఆర్) దర్శకత్వంలో శ్రీమతి మాధవి ఆదుర్తి ఈ సినిమాను నిర్మించారు. ఇప్ప‌టికే విడుద‌లైన ట్రైల‌ర్‌కు మంచి స్పంద‌న వ‌స్తుంది. ముఖ్యంగా ఇందువ‌ద‌న సినిమా పోస్ట‌ర్స్ చాలా క‌ళాత్మ‌కంగా ఉన్నాయి. యదార్ధ ఘటనలతో ఈ చిత్రాన్ని రూపోందించామని చిత్రబృందం తెలిపింది. అందులో వ‌రుణ్ సందేశ్, ఫ‌ర్నాజ్ లుక్‌ను బాగా డిజైన్ చేశారు ద‌ర్శ‌కుడు ఎమ్మెస్సార్‌. ఈ సినిమాకు ఇండ‌స్ట్రీలో ప్ర‌ముఖులు ప్ర‌మోష‌న్ చేస్తున్నారు.

హ్యాపీ డేస్, కొత్త బంగారు లోకం సినిమాల తర్వాత వరుణ్ సందేశ్ మళ్లీ హిట్ కొట్టలేదు. ఇలాంటి సమయంలో ఇందువదన సినిమా వస్తుంది. ఇందువదన తన సెకండ్ ఇన్నింగ్స్ అవుతుందని నమ్మకంగా ఉన్నాడు ఈ కుర్ర హీరో. ఈ సినిమా కోసం వరుణ్ తనను తాను కొత్తగా ఆవిష్కరించుకున్నారు. ఈ సినిమాకు కథ, స్క్రీన్ ప్లే, మాటలు సతీశ్‌ ఆకేటి అందిస్తుండగా.. శివ కాకాని సంగీతం సమకూరుస్తున్నారు. సీనియర్ ఎడిటర్ కోటగిరి వెంకటేశ్వరరావు ఎడిటింగ్ బాధ్యతలు తీసుకున్నారు. జనవరి 1, 2022 నూతన సంవత్సర కానుకగా ఈ సినిమా ప్రేక్షకుల ముందుకు వస్తోంది. మరి ఇందువదన మర్చిపోయిన వరుణ్ సందేశ్ ను ప్రేక్షకులకు గుర్తు చేస్తుందో లేదో చూడాలి.