‘భీమ్లా నాయక్’ నుంచి పవన్-రానాల ఫోటో నెట్టింట్లో వైరల్

Posted: 10/21/2021 07:47 PM IST

Photo of pawan kalyan and rana from bheemla nayak goes viral on net

పవర్ స్టార్ పవన్ కల్యాణ్- రానా దగ్గుబాటి ప్రధాన పాత్రల్లో ‘భీమ్లా నాయక్’ చిత్రం రూపోందుతున్న విషయం తెలిసిందే. పోలీసు అధికారి పాత్రలో పవన్ కల్యాణ్ నటిస్తుండగా, సంపన్న రాజకీయ కుటుంబానికి చెందిన యువకుడి పాత్రలో రానా దగ్గుబాటి కనిపించనున్నారు. ఈ చిత్రంలో పవన్ కల్యాణ్ పాత్ర పేరే 'భీమ్లా నాయక్'. పవన్-రానాల మధ్య చోటుచేసుకున్న అత్యంత సున్నితమైన మాటల యుద్దాన్ని అత్యంత అద్భుతంగా తెరకెక్కించేందుకు దర్శకుడు సాగర్ కే చంద్ర తీవ్రంగా కృషి చేస్తున్నారు.

ఇద్దరి మధ్య ఎవరు గోప్ప అన్న అహం నేపథ్యంలో ఎవరికి వారు పైచేయి ప్రదర్శించుకునే పోరాటమే బీమ్లానాయర్ చిత్ర ఇతివృత్తం. ఈ క్రమంలో వారు ఎలాంటి పరిణామాలను ఎదుర్కోవాల్సి వస్తోంది.. వాటిని ఎలా అధిగమిస్తారు.? అన్న విషయాలను పక్కనబెడితే.. ఇద్దరి మధ్యన సాగే మాటల యుద్దం అత్యంత ప్రాధాన్యత చోటచేసుకుంటోంది. అందుకనే ఈ చిత్రానికి మాటల మాంత్రికుడిగా పేరోందిన దర్శకుడు త్రివిక్రమ్ శ్రీనివాస్ చేత మాటలను రాయిస్తున్నారు పవర్ స్టార్ పవన్ కల్యాణ్.

మలయాళ బ్లాక్ బస్టర్ మూవీ అయప్పనుమ్-కోషియుమ్ చిత్రం రీమేక్ గా ఈ చిత్రం రూపోందుంతొంది. తాజాగా ఈ చిత్రానికి సంబంధించిన షూటింగ్ ఫొటో ఒకటి బయటికి వచ్చింది. అందులో పవన్ నులకమంచంపై విశ్రాంతి తీసుకుంటుండగా, రానా ఓ బండిపై పడుకుని ఉండడం చూడొచ్చు. సామాజిక మాధ్యమాల్లో ఈ పిక్ కు విశేషమైన స్పందన వస్తోంది. ఈ సినిమాలో పవన్ సరసన నాయికగా నిత్యామీనన్ కనిపించనుండగా, రానా జోడీగా ఐశ్వర్య రాజేశ్ అలరించనుంది. సంక్రాంతి కానుకగా జనవరి 12వ తేదీన ఈ సినిమాను విడుదల చేయనున్నారు.